قىتايدا وتكەن تاۋلىكتە COVID-19 ينفەكتسياسىنىڭ 32 943 جاڭا جاعدايى انىقتالدى. بۇل تۋرالى جەرگىلىكتى دەنساۋلىق ساقتاۋ كوميتەتى مالىمدەدى, دەپ حابارلايدى Egemen.kz.
سوڭعى كۇندەرى گۋاندۋن, حەبەي پروۆينتسيالارىندا, سونداي-اق ورتالىق چۋنتسين مەن بەيجىڭ قالالارىندا جۇقپالى اۋرۋلاردىڭ ايتارلىقتاي ءوسۋى بايقالدى.
قىتاي استاناسىنىڭ بيلىگى تۇرعىنداردان كۇردەلى ەپيدەميولوگيالىق جاعدايعا بايلانىستى اسا قاجەتتىلىك بولماسا, ۇيلەرىنەن شىقپاۋدى سۇرايدى. بەيجىڭدە قاراشا ايىنىڭ باسىنان بەرى 10 مىڭنان استام كوروناۆيرۋس جۇقتىرعاندار انىقتالدى.
قاراشا ايىنان باستاپ قىتايدىڭ بارلىق دەرلىك ايماقتارىندا كوروناۆيرۋستىڭ تارالۋىنىڭ ۇدەۋى مەن ۇلعايۋى تىركەلدى.