قازاقستان رەسپۋبليكاسىنىڭ ەلشىسى قايرات سارجانوۆ شۆەيتساريا كونفەدەراتسياسىنىڭ فەدەرالدىق پرەزيدەنتى, فەدەرالدىق سىرتقى ىستەر دەپارتامەنتىنىڭ باسشىسى ينياتسيو كاسسيسكە سەنىم گراموتالاردى تاپسىردى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
وتكەن ءراسىم بارىسىندا قازاقستاندىق ەلشى ي. كاسسيسكە قازاقستانداعى كەزەكتەن تىس پرەزيدەنت سايلاۋىنىڭ قورىتىندىلارى مەن ەلدە جۇرگىزىلىپ جاتقان رەفورمالار تۋرالى اقپارات بەردى. ءوز كەزەگىندە شۆەيتساريا كونفەدەراتسياسىنىڭ باسشىسى پرەزيدەنت قاسىم-جومارت توقاەۆقا قۇتتىقتاۋ سوزدەرىن جولدادى.
سۇحبات بارىسىندا بىرقاتار ماسەلە مەن ەكىجاقتى ىنتىماقتاستىقتىڭ الەۋەتى بويىنشا پىكىر الماسۋ ءوتتى. ەكى ەل اراسىنداعى ديپلوماتيالىق قاتىناستاردىڭ 30 جىلدىق تاريحىندا تۇراقتى ساياسي ديالوگ قۇرىلىپ, ساۋدا-ەكونوميكالىق جانە ينۆەستيتسيالىق ءوزارا ءىس-قيمىل سالاسىندا ەلەۋلى كورسەتكىشتەرگە قول جەتكىزىلگەنى اتاپ ءوتىلدى.