قازاقستاندىق سينوپتيكتەر 2022 جىلدىڭ 24 قاراشاسىنا ارنالعان اۋا رايى بولجامىن ۇسىندى, دەپ حابارلايدى Egemen.kz.
«قازگيدرومەت» رمك اقپاراتىنا قاراعاندا, ەلدىڭ باسىم بولىگىندە جاڭبىر مەن قار تۇرىندەگى جاۋىن- شاشىن كۇتىلەدى.
«رەسپۋبليكا بويىنشا تۇمان, كوكتايعاق بولادى. ال باتىستا, سولتۇستىك-باتىستا, سولتۇستىكتە, وڭتۇستىكتە, وڭتۇستىك-شىعىستا جەل كۇشەيەدى. سونداي-اق قازاقستاننىڭ سولتۇستىگىندە, سولتۇستىك-باتىسىندا بوران كۇتىلەدى. جەتىسۋ وبلىسىنىڭ سولتۇستىك-شىعىسىندا جەلدىڭ كۇشەيىپ, ەكپىنى 23-28 م/س دەيىن جەتەدى», دەلىنگەن حابارلامادا.
استانادا اۋىسپالى بۇلتتىلىق ساقتالىپ, كۇندىز جاۋىن-شاشىن كۇتىلەدى. وڭتۇستىك-شىعىستان جەل سوعىپ, تۇندە 2-7, كۇندىز 9-14 م/س بولادى. تۇندە اۋا تەمپەراتۋراسى -12...-14°س, كۇندىز -3...-5°س.
الماتىدا كۇن بۇلتتى بولىپ, تۇندە ازداعان جاۋىن-شاشىن كۇتىلەدى. تۇندە جانە تاڭەرتەڭ تۇمان تۇسەدى. تۇندە اۋا تەمپەراتۋراسى +2...+ 4°س, كۇن +9...+11°س.
شىمكەنتتە كۇن جاۋىن-شاشىنسىز وتسە دە اۋىسپالى بۇلتتىلىق ساقتالادى. وڭتۇستىك-شىعىستان سوققان جەلدىڭ ەكپىنى 5-10 م/س دەيىن جەتەدى. تۇندە اۋا تەمپەراتۋراسى +5...+7°س, كۇن + 17...+19°س.