حالىق قاسىم-جومارت توقاەۆتى نەگە تاڭدادى؟ ونىڭ تۇلعالىق بەينەسىن ايقىندايتىن مىنا قاسيەتتەر – تاجىريبە, دانالىق, باتىلدىق جانە جوعارى ينتەللەكت.
ق.توقاەۆتىڭ ديپلوماتيالىق تاجىريبەسى قاڭتار وقيعالارىنىڭ قيىن كەزەڭىن تەز ەڭسەرۋگە مۇمكىندىك بەردى. سونداي-اق قازاقستاننىڭ ساياسي قۇرىلىمىن كەڭ اۋقىمدى رەفورمالاۋدىڭ باستاماسى بولعان نەگىزگى شەشىمدەر تەز ارادا قابىلداندى. بۇگىنگى تاڭدا ق.توقاەۆتىڭ ديپلوماتياسى مەن ينتەللەكتۋالدىلىعى بىزگە قيىن گەوساياسي جاعدايدا كەلىسسوزدەر جۇرگىزۋگە جانە ءتيىمدى جۇمىس ىستەۋگە مۇمكىندىك بەرەدى.
قاسىم-جومارت كەمەل ۇلى قابىلداعان شەشىمدەر سارالانعان جانە قادامدارى نىق. مۇنداي جوعارى قىزمەتتە سالقىنقاندىلىق تانىتىپ, سابىرلى جانە پاراساتتى بولۋ وڭاي ەمەس. اسىرەسە وسىنداي قاربالاس تاريحي كەزەڭدە.
ءبىز الەمنىڭ ءارتۇرلى ەلدەرى داعدارىستى باستان كەشىپ جاتقانىن كورىپ وتىرمىز. وسى كەزەڭدە ءاربىر شەشىمنىڭ جان-جاقتى قاراستىرىلۋى ماڭىزدى. ال قازاقستاندا الەمدىك نارىقتاعى قيىن جاعداي اياسىندا ساياسي جۇيەنى جاڭعىرتۋ, ەكونوميكانى مونوپولياسىزداندىرۋ بويىنشا جوسپارلى رەفورمالىق جۇمىستار جۇرگىزىلىپ جاتىر. قاراپايىم ازاماتتار وزدەرىن سەنىمدى سەزىنۋى ءۇشىن بيزنەس ءوسىپ, دامي الادى. ساياسي تۇراقتىلىقتى ساقتاۋدا توقاەۆتىڭ ماڭىزدى ءرولى بار. بۇعان ونىڭ تاجىريبەسى, كەلىسسوز جۇرگىزۋ قابىلەتى, يكەمدىلىك, وبەكتيۆتىلىك پەن بەيتاراپتىق سىندى قاسيەتتەر نەگىز بولماق.
قاسىم-جومارت توقاەۆ قوعامدا وزگەرىستەردى جاريالاپ قانا قويماي, ولاردى كۇردەلى شەشىمدەر قابىلداۋ ارقىلى جۇزەگە اسىرىپ وتىر. وسىنداي قادامداردىڭ ءبىرى – ۇلتتىق قوعامدىق سەنىم كەڭەسىن قۇرۋ. سەبەبى كەڭەس مۇشەلەرىنىڭ ۇسىنىستارىنا پرەزيدەنت شىنىمەن قۇلاق ءتۇردى. بۇل – باتىلدىقتىڭ, ادىلەتتىلىكتىڭ جانە دانالىقتىڭ بەلگىسى.
ونىڭ بۇگىنگە دەيىنگى جۇزەگە اسىرعان باستامالارى الداعى جەتى جىل ىشىندە حالىقتىڭ يگىلىگىن ارتتىرۋعا, كۇش-جىگەرىن سالۋعا دايىن ەكەنىن كورسەتەدى. سوندىقتان 20 قاراشادا سايلاۋعا كەلىپ, ۇمىتكەر قاسىم-جومارت توقاەۆقا ءوز داۋىسىن بەرگەن ءاربىر ازامات دۇرىس شەشىم قابىلدادى دەپ سانايمىن.
سامات اقىشەۆ,
ءماجىلىس دەپۋتاتى