ەلوردادا 21 قاراشادان باستاپ 1 جەلتوقساندا اتالىپ وتەتىن دۇنيەجۇزىلىك جيتس-پەن كۇرەس كۇنىنە ارنالعان ونكۇندىك جاريالاندى, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
ونكۇندىك اياسىندا قالادا قوعام نازارىن اۋدارۋعا باعىتتالعان ءتۇرلى اۋقىمدى ءىس-شارالار وتەدى.
«تەڭدىك ۋاقىتى!» تاقىرىبى اياسىندا 10 كۇن ىشىندە قالا تۇرعىندارىن ايتۆ ينفەكتسياسىن جۇقتىرۋدىڭ الدىن الۋ ماسەلەلەرى بويىنشا, اسىرەسە جاستار اراسىندا حاباردار ەتۋ جانە بارلىق مۇددەلى تاراپتىڭ ۆەدومستۆوارالىق ءوزارا ءىس-قيمىلىن نىعايتۋ ارقىلى قاۋىپسىزدىكتى قالىپتاستىرۋ, كەمسىتۋشىلىكتى جويۋ سياقتى ءىس-شارالار وتكىزىلەدى.
ونكۇندىكتىڭ اشىلۋى قالالىق №4 ەمحانادا اشىق ەسىك كۇنىن ۇيىمداستىرۋمەن باستالدى.
28 قاراشا كۇنى استانا قالاسىنىڭ كوممۋنيكاتسيالار قىزمەتى Facebook جەلىسىنىڭ تىكەلەي ەفيرىندە ەلوردالىق ايتۆ ينفەكتسياسىنىڭ الدىن الۋ ورتالىعىنىڭ ماماندارى ەفيرگە شىعىپ ايتۆ ماسەلەلەرى توڭىرەگىندە بايانداما جاسايدى.
ال 29 قاراشا كۇنى قالامىزداعى ءىرى وقۋ ورىندارىنىڭ ءبىرى قازۇوۋ «شابىت» ۋنيۆەرسيتەتىندە ستۋدەنتتەر اراسىندا اۋقىمدى اكتسيا وتەدى.
وسى ءىس-شارالارمەن قاتار, 21 قاراشا مەن 1 جەلتوقسان ارالىعىندا ورتالىق ماماندارى حالىقتىڭ كوپتەپ جينالاتىن ورىندارىندا «نۇرلى جول» جانە استانا تەمىر جول ۆوكزالدارىندا, «حانشاتىر», «كەرۋەن» ساۋدا ورتالىقتارى مەن «ارتەم» بازارىندا, «الەم» ساۋدا ۇيىندە ايتۆ-ينفەكتسياسىنىڭ الدىن الۋ تۋرالى اقپاراتتىق-ءبىلىم بەرۋ ماتەريالدارىن تاراتۋمەن, پسيحوالەۋمەتتىك كەڭەس بەرۋ, تۇرعىندارعا ارنالعان «ايتۆ-عا تەستتەن ءوت» اكتسياسى شەڭبەرىندە ەكسپرەسس-تەستىلەۋ ۇيىمداستىرىلادى.
ورتالىقتا تىركەلگەن, ايتۆ-مەن ءومىر سۇرەتىن الەۋمەتتىك از قامتىلعان وتباسىلارعا ازىق-ت ۇلىك جيىنتىعى بەرىلەدى.
بارلىق ءىس-شارا قوعامدىق دەنساۋلىق ساقتاۋ باسقارماسىمەن, ءبىلىم باسقارماسىمەن, قازاق ۇلتتىق ونەر ۋنيۆەرسيتەتىمەن جانە ۇكىمەتتىك ەمەس ۇيىمدارمەن بىرلەسىپ وتكىزىلەدى.
ونكۇندىكتىڭ قورتىندىسى 1 جەلتوقساندا وتەدى.