اقتوبە وبلىسى اكىمىنىڭ جاڭا ورىنباسارى تاعايىندالدى

ءوڭىر باسشىسى جاڭا ورىنباسارىنىڭ ەكونوميكا, قارجى سالاسىندا مول قىزمەتتىك تاجىريبەسى بار ەكەنىن ايتىپ, ونىڭ وبلىستىڭ الەۋمەتتتىك-ەكونوميكالىق دامۋىنا لايىقتى ۇلەس قوساتىنىنا سەنىم ءبىلدىرىپ, جاڭا جۇمىسىنا ساتتىلىك تىلەدى.

گ.سۇيىنتاەۆا بۇعان دەيىن اقتوبە وبلىسىنىڭ  ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى قىزمەتىن اتقارعان بولاتىن.

گۇلقاسيما رامازانقىزى سۇيىنتاەۆا 1964 جىلى اقتوبە وبلىسىندا دۇنيەگە كەلگەن. ءبىلىمى جوعارى: 1988 جىلى الماتى حالىق شارۋاشىلىعى ينستيتۋتىن «ەكونوميست», 2015 جىلى  الماتى مەنەدجمەنت ۋنيۆەرسيتەتىن «ىسكەرلىك اكىمشىلىك ماگيسترى» ماماندىقتارى بويىنشا بىتىرگەن.

ەڭبەك جولىن 1983 جىلى اقتوبە قالالىق دەنساۋلىق ساقتاۋ ءبولىمىنىڭ №1 ورتالىقتاندىرىلعان ەسەپ ءبولىمىنىڭ ەسەپشىسى بولىپ باستاعان.

1992-2001 جىلدارى اقتوبە قالالىق قارجى ءبولىمىنىڭ باس مامانى, اقتوبە قالالىق دەنساۋلىق ساقتاۋ ءبولىمىنىڭ,  اقتوبە وبلىستىق مىندەتتى ساقتاندىرۋ قورىنىڭ,  اقتوبە وبلىستىق دەنساۋلىق ساقتاۋ باسقارماسىنىڭ باس ەسەپشىسى, اقتوبە وبلىسىنىڭ مەديتسينالىق كومەك كورسەتۋ ورتالىعىنىڭ ديرەكتورى بولىپ ىستەگەن.

2001-2005 جىلدارى قازاقستان رەسپۋبليكاسىنىڭ دەنساۋلىق ساقتاۋ ىستەرى جونىندەگى اگەنتتىگىنىڭ باس ەسەپشىسى - ەسەپ-قيساپ ءبولىمىنىڭ باستىعى, بۋحگالتەرلىك ەسەپ, مەملەكەتتىك ساتىپ الۋ جانە ينۆەستيتسيالىق باعدارلامالاردى تالداۋ باسقارماسىنىڭ باستىعى - باس ەسەپشىسى, قازاقستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ ەكونوميكا جانە قارجى دەپارتامەنتىنىڭ ەسەپ-قيساپ جانە قارجىلاندىرۋ باسقارماسىنىڭ باستىعى قىزمەتتەرىن اتقارعان.

2005-2007 جىلدارى اقتوبە وبلىسىنىڭ قارجىلىق باقىلاۋ جانە مەملەكەتتىك ساتىپ الۋ باسقارماسى باسشىسىنىڭ ورىنباسارى بولىپ قىزمەت ەتكەن.

2007-2017 جىلدارى ۇلتتىق عىلىمي مەديتسينالىق ورتالىعىنىڭ قارجى – ەكونوميكالىق تالداۋ جانە بۋحگالتەرلىك ەسەپ ءبولىمىنىڭ باستىعى - باس ەسەپشىسى, ۇيىمداستىرۋ-ەكونوميكالىق جۇمىستار بويىنشا ديرەكتوردىڭ ورىنباسارى, قازاقستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ ەكونوميكا جانە قارجى دەپارتامەنتىنىڭ ديرەكتورى, قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگىنىڭ دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينا تەحنيكاسىن ساراپتاۋ ۇلتتىق ورتالىعىنىڭ ۇيىمداستىرۋ – ەكونوميكالىق ماسەلەلەرى بويىنشا باس ديرەكتورىنىڭ ورىنباسارى, «سك-فارماتسيا» جشس قارجىلىق تالداۋ ءبولىمىنىڭ باستىعى, ەكونوميكا جانە قارجى دەپارتامەنتىنىڭ ديرەكتورى قىزمەتتەرىن اتقارعان.

2017-2018 جىلدارى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ۇيىمداستىرۋ - باقىلاۋ جانە كادر جۇمىستارى ءبولىمىنىڭ مەڭگەرۋشىسى, اقتوبە وبلىسىنىڭ قارجى باسقارماسىنىڭ باسشىسى بولىپ قىزمەت ەتكەن.

2018 جىلدىڭ تامىز ايىنان باستاپ وسى ۋاقىتقا دەيىن اقتوبە وبلىسىنىڭ  ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى بولىپ قىزمەت اتقاردى.