سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك جونىندەگى كوميتەتىنىڭ كەڭەيتىلگەن وتىرىسىندا دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك جانە جەر قويناۋىن پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلادى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
زاڭ جوباسى اۆتوكولىكتى باقىلاۋدى اۆتوماتتاندىرۋعا, پوەزداردىڭ جولدان شىعىپ كەتۋى نەمەسە سوقتىعىسۋ وقيعالارىن, سونداي-اق كەمەلەردىڭ اۆاريالىق جاعدايىن تەرگەۋ ءتارتىبىن جەتىلدىرۋگە باعىتتالعان.
قۇجات سونىمەن قاتار قازاقستان رەسپۋبليكاسىنىڭ زاڭناماسىن حالىقارالىق ازاماتتىق اۆياتسيا ۇيىمىنىڭ ستاندارتتارى مەن ەۋروپالىق وداقتىڭ اۆياتسيالىق تالاپتارىنا سايكەس كەلتىرۋدى كوزدەيدى.
زاڭ جوباسىنىڭ نورمالارى سونداي-اق اۋە ايلاعى ماڭىنداعى اۋماقتا قىزمەت اتقارۋعا رۇقسات الۋ تەتىگىن رەتتەۋدى وزگەرتۋدى جانە كۇردەلى جوبالار بويىنشا جەر قويناۋىن پايدالانۋ سالاسىنا ينۆەستيتسيا تارتۋدى كوزدەيدى.
كوميتەت دەپۋتاتتارى كەڭەيتىلگەن وتىرىستىڭ قورىتىندىسى بويىنشا زاڭ جوباسىن پالاتانىڭ قاراۋىنا جىبەرۋ تۋرالى شەشىم قابىلدادى.