قۇداي – جومارت. قالاسا, ءۇيىپ-توگىپ بەرە سالادى. رەتىن كەلتىرەدى. قيۋىن قيىستىرادى. ايتەۋىر, ءبىر كۇندە باقىتقا بولەيدى. مىنە, سونداي جاعداي سىرداريا اۋدانىنىڭ شاعان اۋىلىندا تۇراتىن ۇمبەتاەۆتار وتباسىندا دا ورىن الدى. ومىرگە ۇشەم كەلدى.
9 مامىر – جەڭىس كۇنىندە ءومىر ەسىگىن اشقان ۇشەمدى اتا-اناسى ەرنۇر, ارنۇر, اقنۇر دەپ اتاپتى. بالالاردىڭ اكەسى ەربول ۇمبەتاەۆ «ارالگاز» جشس-ىندە جۇمىس ىستەسە, دۇنيەگە ۇشەمدى امان-ەسەن اكەلگەن اناسى ايگەرىم امزەەۆا تەرەڭوزەك كەنتىندەگى №36 ورتا مەكتەپتە مۇعالىم بولىپ قىزمەت اتقارادى. بۇعان دەيىن وتباسىندا 3 بالاسى بولىپتى. ەندى تاعى 3 ءسابي قوسىلىپ وتىر. ەلىمىزدىڭ دەموگرافيالىق ساياساتىنا ۇلكەن ۇلەس قوسقان وتباسىنىڭ قۋانىشىندا شەك جوق.
ەرجان بايتىلەس,
«ەگەمەن قازاقستان».
قىزىلوردا وبلىسى.