تۇركىستان قالاسىنداعى «فاراب» امبەباپ عىلىمي كىتاپحاناسىنىڭ كونتسەرت زالىندا وبلىستىق «بابادان قالعان اسىل ءسوز» جاس تەرمەشىلەر بايقاۋى ءوتتى. وبلىستىق مادەنيەت باسقارماسى مەن وبلىستىق مادەنيەت جانە حالىق شىعارماشىلىعى ورتالىعى بيىلعى «بالالار جىلىنا» وراي جىل باسىنان بەرى «بال تاڭداي» وبلىستىق بالالار ونەر فەستيۆالىن ۇيىمداستىرىپ كەلەدى.
جىر دوداسىن وبلىستىق مادەنيەت جانە حالىق شىعارماشىلىعى ورتالىعىنىڭ ديرەكتورى مەيىرجان الياكباروۆ اشىپ, ءىس-شارانىڭ ماڭىزدىلىعىنا توقتادى. وسىنداي سايىستاردى ۇيىمداستىرۋ ارقىلى جاس تالانت يەلەرى انىقتالاتىنىن جەتكىزىپ, قاتىسۋشىلارعا ساتتىلىك تىلەدى. قازاق ونەرىنىڭ جەتىستىكتەرىن ناسيحاتتاپ, ونىڭ وركەندەۋىنە ىقپال جاساۋ, بالالار اراسىنداعى تەرمە ونەرىن دامىتۋ, جاس دارىندى تەرمەشىلەردى انىقتاپ, ولارعا قولداۋ كورسەتۋ, سونىمەن قاتار, وڭتۇستىك وڭىردە قالىپتاسقان وزىندىك ءداستۇرلى ونەر مەكتەبىن كوپشىلىككە ناسيحاتتاۋ ماقساتىنداعى «بابادان قالعان اسىل ءسوز» وبلىستىق جاس تەرمەشىلەر بايقاۋىنا 8-16 جاس ارالىعىنداعى 14 ۇمىتكەر قاتىسىپ, ونەر كورسەتتى. قاتىسۋشىلار ەرەجە بويىنشا ەكى شىعارما, ياعني وڭتۇستىكتىڭ ماقامىنان ءبىر تەرمە جانە ەركىن تاقىرىپتا ءبىر تەرمە ورىندادى.
قازىلار القاسىنىڭ شەشىمىمەن باس جۇلدە تۇركىستان قالاسىنىڭ ونەرپازى بەردالى ورىنباسارعا بۇيىردى. ال وتىرار اۋدانىنان جولدىباي ەرزات ءى ورىن يەگەرى, سايرام اۋدانىنان نىشانباي سۇلتانمۇحامەد پەن تولەبي اۋدانىنان مۇرات نۇرعيسا ءىى ورىن يەگەرى, ارىس قالاسىنان ابدراحمان ارمان مەن تۇركىستان قالاسىنان ينابات وسپان ءىىى ورىن يەگەرى اتانسا, وبلىستىق مادەنيەت جانە حالىق شىعارماشىلىعى ورتالىعىنىڭ ارنايى جۇلدەسى تۇركىستان قالاسىنان اسەل ارابدينگە, مايلىقوجا سۇلتانقوجا اتىنداعى ارنايى جۇلدە تۇركىستاندىق اسىلزات مەرالىعا بۇيىردى. جەڭىمپازدارعا ارنايى ستاتۋەتكا مەن ديپلوم جانە قارجىلاي سىيلىق تابىس ەتىلدى.
تۇركىستان