قازاقستاندا كەزەكتەن تىس پرەزيدەنت سايلاۋى ورايىمەن ءوتتى. جالپى سايلاۋ ساياسي ۇدەرىس رەتىندە بىرنەشە ماڭىزدى قىزمەتتى اتقارادى.
بىرىنشىدەن, سايلاۋ بيلىك ورگاندارىن دەموكراتيالىق قالىپتاستىرۋ ءتاسىلى رەتىندە ساياسي رەجىمدى لەگيميتيزاتسيالاۋ مەن سەنىم ارتتىرۋدىڭ قۇرالى عانا ەمەس, سول سياقتى ازاماتتاردى ساياسي بەلسەندىرۋدىڭ, ولاردىڭ ءوز سۇرانىستارىن, قىزىعۋشىلىقتارىن وي-ەلەگىنەن وتكىزۋدىڭ, قوعامدىق نىعايۋدىڭ, بيلىكتىڭ ازاماتتارمەن كەرى بايلانىسىن قامتاماسىز ەتۋدىڭ, ساياسي مادەنيەتتى قالىپتاستىرۋ جانە دامىتۋدىڭ, ساياسي ومىرگە قاتىسۋ ءۇشىن داعدىلارعا يە بولۋدىڭ نەگىزگى قۇرالى.
ەكىنشىدەن, سايلاۋ – جاڭا ماقساتتار مەن باعدارلامالاردىڭ, ازاماتتاردى تولعاندىراتىن سۇراقتار مەن ماسەلەلەردى, جالپى الەۋمەتتىك-ەكونوميكالىق, ساياسي كۋرستى شەشۋدىڭ ءتاسىلى. سوندىقتان دا سايلاۋ حالىقتى نىعايتۋعا باعىتتالعان. جالپى الەمدىك ترەندتى نازارعا الا وتىرىپ, ازاماتتار ءارى قارايعى جولدى جانە جوسپارلاردى ناقتى ءتۇسىنۋى قاجەت.
سايلاۋدى وتكىزۋ ۇنەمى ۇلكەن ۇيىمداستىرۋشىلىق جۇمىستى تالاپ ەتەدى. بۇل پروتسەدۋرا كەلەسى ساتىلاردان تۇراتىن سايلاۋ ۇدەرىسى دەپ اتالادى: سايلاۋدى بەلگىلەۋ; سايلاۋ وكرۋگتەرىن قۇرۋ; سايلاۋ كوميسسياسىن قالىپتاستىرۋ; ۇمىتكەرلەردى ۇسىنۋ; سايلاۋشىلار ءتىزىمىن قۇرۋ; سايلاۋ الدىنداعى ۇگىت-ناسيحات; سايلاۋدى وتكىزۋ; سايلاۋ قورىتىندىسىن جاساۋ; سايلاۋ ناتيجەسىن حالىققا جاريالاۋ.
وسى كەزەڭدەردىڭ بارلىعىندا سايلاۋ كوميسسياسى جۇيەسىنىڭ, اتاپ ايتقاندا, ورتالىق سايلاۋ كوميسسياسىنىڭ, اۋماقتىق سايلاۋ كوميسسيالارىنىڭ, ۋچاسكەلىك سايلاۋ كوميسسيالارىنىڭ بىرىڭعاي جونگە كەلتىرىلگەن جۇمىسى قاجەت. جالپى, سايلاۋ قوعامدىق ومىرگە بەلگىلى ءبىر مەرزىمدىلىكتى, وتكەن جولدىڭ قورىتىندىسىن جاساپ, بولاشاقتى بايىپتاۋعا مۇمكىندىك بەرەدى.
الۋا جولدىبالينا,
پرەزيدەنت جانىنداعى قسزي ديرەكتورىنىڭ ورىنباسارى