قازاقستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىنا بايلانىستى قاسىم-جومارت توقاەۆتىڭ اتىنا قىتاي حالىق رەسپۋبليكاسىنىڭ توراعاسى سي ءتسزينپيننىڭ قۇتتىقتاۋ جەدەلحاتى كەلىپ ءتۇستى, دەپ حابارلايدى Egemen.kz اقورداعا سىلتەمە جاساپ.
– سايلاۋداعى ايقىن جەڭىسىڭىز قازاقستان حالقىنىڭ سىزگە دەگەن سەنىمىن جانە ءوزىڭىزدى تولىق قولدايتىنىن بىلدىرەدى. ءسىزدىڭ بىرەگەي باسشىلىعىڭىزبەن ەلىڭىزدى رەفورمالاۋعا باعىتتالعان بارلىق باستاماڭىز تابىستى بولاتىنىنا جانە جاڭا قازاقستاندى قۇرۋ ءىسى ىلگەرىلەيتىنىنە سەنىمدىمىن. قىتاي مەن قازاقستان اراسىنداعى ىنتىماقتاستىقتى دامىتۋعا ەرەكشە ءمان بەرەمىن جانە ديپلوماتيالىق قاتىناستاردىڭ ورناعانىنا 30 جىل تولعان ۋاقىتتا سىزدەرمەن بىرگە ماڭگى ءارى جان-جاقتى ستراتەگيالىق سەرىكتەستىكتىڭ جاڭا كەزەڭىنە قادام باسۋعا دايىنمىن, – دەپ جازىلعان جەدەلحاتتا.