استانا. 30 مامىر. رەسەي فەدەراتسياسى مەملەكەتتىك دۋماسىنىڭ دەپۋتاتى انتون جاركوۆ بەيسەنبى كۇنى ەۋرازيالىق ەكونوميكالىق وداقتىڭ قۇرىلۋى جونىندەگى كەلىسىمشارتقا قول قويىلۋى كەڭەستەن كەيىنگى كەڭىستىكتىڭ دامۋىندا الەمدىك اۋقىمداعى جاڭا ىقپالدى ورتالىقتىڭ پايدا بولۋىنا اپاراتىن قيسىندى قادام ەكەنىن اتاپ ءوتتى. بۇل تۋرالى ريا «نوۆوستي» حابارلادى.
پارلامەنتاري ءوز سوزىندە جاڭا مۇشە ەلدەردىڭ كىرۋلەرىنە جول اشىپ قويعان مۇنداي ەكونوميكالىق قۇرىلىمنىڭ قۇرىلۋى پوستكەڭەستىك كەڭىستىكتەگى ەكونوميكالىق ءوزارا بايلانىس دامۋىنىڭ قيسىندى قادامى عانا ەمەس, سونىمەن بىرگە ونىڭ ارىپتەستەرىنە ءتيىمسىز ويىن ەرەجەلەرىن ۇسىنۋعا ارەكەت ەتىپوتىرعان باتىستىڭ تىرلىگىنە وزىندىك ءبىر جاۋاپ ەكەنىنە دە نازار اۋداردى.
«ەاەو تەز ارادا باتىس ساناسۋعا ءماجبۇر بولاتىن كۇشكە اينالادى, ءوز ىشىندە عانا ەمەس, سونىمەن قاتار ازيا-تىنىق مۇحيت اۋماعىنداعى ارىپتەستەرىمەن بايلانىستى كەڭەيتۋگە باعىت ۇستاعان وداقتىڭ الەۋەتى جاقسى», - دەگەن ءسوزدى دەپۋتات سەنىممەن ايتتى.
«كەڭەستىك كەزەڭ كەڭىستىگىندەگى ەلدەر كوپتەگەن جىلدار بويى ءوز ەكونوميكاسىن باتىستاعى ارىپتەستەرى ۇسىنعان ەرەجە بويىنشا دامىتىپ كەلدى. بىراق بۇل ەرەجەلەردىڭ ەكى جاققا دا ءتيىمدى ەمەس ەكەنى ايقىن بولىپ قالدى. سوندىقتان ولاردىڭ اراسىندا ءبىر-بىرلەرىمەن ادال باسەكەلەستىك جاعدايىندا بىرىگۋ, سول ارقىلى ءوز ەكونوميكاسىن جاڭعىرتۋ مەن وسۋگە قاراي تارتۋ جونىندە شەشىم قابىلداندى», - دەگەندى قوستى جاركوۆ.
مۇرات ايتقوجا.
دەرەككوز: ريا نوۆوستي
فوتو: ريا «نوۆوستي». ميحايل كليمەنتەۆ.