نەكەلەرى قيىلا سالىپ, سايلاۋ ۋچاسكەسىنە داۋىس بەرۋگە كەلگەن جاس جۇبايلار ەلدى تاڭعالدىردى, دەپ جازادى Egemen.kz.
جەتىسۋ وبلىسىنا قاراستى كەربۇلاق اۋدانىنىڭ تۇرعىندارى مەدەت امانباەۆ پەن ينديرا ەربولاتوۆا بۇگىن شاڭىراق كوتەرىپ وتىر. وسى قۋانىشتى كۇندە جاس جۇبايلار سارىوزەكتەگى ابىكەن سارىباەۆ اتىنداعى اۋداندىق مادەنيەت ۇيىندە ورنالاسقان №613 سايلاۋ ۋچاسكەسىنە كەلىپ داۋىس بەردى.
سايلاۋ كۇنى مەن وتاۋ قۇرۋ كۇنىنىڭ قاتار كەلۋىن ولار جاقسىلىقتىڭ نىشانى دەپ ەسەپتەيدى.
ء«بىز وتباسىلىق ومىردەگى العاشقى قادامىمىزدى ەلىمىزدىڭ ەرتەڭىن وزگەرتۋگە ۇلەس قوسۋدان باستاعىمىز كەلدى. سايلاۋدا داۋىس بەرۋ – ءوز بولاشاعىڭا داۋىس بەرۋ», دەيدى جاس جۇبايلار.
جەتىسۋ وبلىسى اكىمىنىڭ ءباسپاسوز قىزمەتىنىڭ مالىمەتىنشە, ءدال قازىر جەتىسۋ وبلىسىندا سايلاۋشىلاردىڭ 68,88%-ى داۋىس بەرگەن.