اتىراۋ وبلىسىنداعى اۋماقتىق سايلاۋ كوميسسياسىنىڭ مالىمەتىنە سۇيەنسەك, تاڭعى 07:00-دە 261 سايلاۋ ۋچاسكەسى جۇمىسىن باستادى, دەپ جازادى Egemen.kz.
ونىڭ ىشىندە 11 جابىق ۋچاسكە بار. ۋچاسكەلىك سايلاۋ كوميسسيالارىنىڭ قۇرامىنا 1966 ادام ەنگىزىلگەن.
«اتىراۋ وبلىسىندا ۋچاسكەلىك سايلاۋ كوميسسيالارى مۇشەلەرىنىڭ قۇرامىنا ساياسي پارتيالاردان 1306 (66,43%), قوعامدىق بىرلەستىكتەردەن 660 (33,57%) ادام ۇسىنىلدى. قازىر سايلاۋشىلاردىڭ سانى 409 949 ادامدى قۇرادى. وزگە وبلىستاردان ءوز وتىنىشىنە سايكەس تىزىمگە ەنگىزىلگەن 12 956 سايلاۋشى بار», دەپ اقپارات تاراتتى اۋماقتىق سايلاۋ كوميسسياسىنان.
كانديداتتاردىڭ سەنىم بىلدىرگەن 784 وكىلى تىركەلگەن. سونداي-اق, ەقىۇ-نىڭ 2 حالىقارالىق بايقاۋشىسى كەلگەن.
ال ح.دوسمۇحامەدوۆ اتىنداعى اتىراۋ ۋنيۆەرسيتەتىنىڭ بازاسىندا حالىقارالىق بايقاۋشىلارعا جاردەمدەسۋ ورتالىعى اشىلدى.