قازىر قالادا دا, دالادا دا نە كوپ, جەكەمەنشىك دۇكەن كوپ. بۇل ءبىر جاعىنان تۇتىنۋشىلارعا دا جاقسى, قالاعان جەرىنە باس سۇعىپ, كەرەكتى زاتتارىن الا قويادى.
...قاراشا ايىنىڭ باس كەزى, قاسيەتتى جۇما كۇنى ەدى. تاڭەرتەڭ ازىق-ت ۇلىك زاتتارىن الماق بولىپ شىمقالاداعى «ارمان» ازىق-ت ۇلىك دۇكەنىنە كەلگەنبىز. پايدالانۋعا بەرىلگەنىنە كوپ بولا قويماعان ساۋدا ورنىندا اتابەك يبراگيموۆ دەگەن كاسىپكەر جىگىتتىڭ وتباسىمەن قىزمەت ەتەتىنىن بۇرىننان دا بىلەتىنبىز. ازانعى ابىر-سابىر ۋاقىت, كەلۋشىلەردىڭ دە قاراسى كوپ. قاجەتتى زاتتارىمىزدى الىپ, اقشامىزدى تولەمەك بولىپ كاسسانىڭ الدىنا كەزەككە تۇردىق.
– اپاي, العان باسقا زاتتارىڭىزدى ەسەپتەدىم, ال بولكە نانداردى, بۇگىن كۇن قاسيەتتى جۇما عوي, سونىڭ قۇرمەتىنە تەگىن الاسىز, – دەدى ساتۋشى الدىنا كەلگەن كەيۋاناعا.
مىنا ءسوزدى ەستىگەن جۇرت ەلەڭ ەتە قالدى. ءبىر-بىرىنە ك ۇلىمسىرەي قاراسىپ, كاسىپكەر جىگىتكە العىس ايتىپ, ريزاشىلىقتارىن ءبىلدىرىپ جاتتى.
ويلاماعان جەردەن توسىن جايعا كۋا بولعان ءبىز كاسىپكەردى سوزگە تارتتىق. سۇراستىرا كەلە بىلگەنىمىز, جۇرەگىنە يمان ۇيالاعان كاسىپكەر جىگىت قولدان كەلگەنىنشە مۇقتاج جاندارعا اركەز قولۇشىن سوزىپ تۇراتىن كورىنەدى. قاسيەتتى جۇما كۇنى تۇتىنۋشىلارعا تەگىن بولكە نان تاراتقانىنا ءوزىمىز كۋا بولدىق. وركەنى ءوسسىن, ازاماتتىڭ.
جۇرەكتەرگە يمان ۇيالاعانعا نە جەتسىن دەدىك ءبىز دە ىشتەي.
كارىباي امزە ۇلى,
ەڭبەك ارداگەرى, زەينەتكەر
شىمكەنت