پرەزيدەنتتىككە كانديداتتاردىڭ ءبىرى جيگۋلي دايراباەۆتىڭ سەنىمدى وكىلى نيكولاي ارسيۋتين سولتۇستىك قازاقستان وبلىسىنىڭ قىزىلجار اۋدانىنداعى «قىزىلجار ءسۇت» جشس كاسىپورنىنا بارىپ, ەڭبەك ۇجىمىمەن كەزدەستى.
كەزدەسۋ بارىسىندا كانديداتتىڭ سايلاۋالدى باعدارلاماسىنىڭ نەگىزگى باعىتتارى باياندالىپ, پارتيانىڭ جۇمىسى تۋرالى ەگجەي-تەگجەي ايتىلدى.
جيگۋلي دايراباەۆ ءوزىنىڭ باعدارلاماسىندا قازاقستان شيكىزاتى باي مەملەكەت بولا تۇرا, ءوز حالقىن قولجەتىمدى وتىنمەن جانە ەنەرگەتيكالىق رەسۋرستارمەن قامتاماسىز ەتە الماي وتىرعاندىعىن كورسەتكەن. وسى رەتتە كوپشىلىكپەن كەزدەسكەن نيكولاي ارسيۋتين باعدارلامادا اۋىل شارۋاشىلىعى سالاسىن دامىتۋعا باسىمدىق بەرىلگەنىنە توقتالدى.
«اۋىل» پارتياسى اۋىلدىق ەلدى مەكەندەردى جاڭعىرتۋ جونىندەگى ۇزاق مەرزىمدى ۇلتتىق ستراتەگيانى زاڭ دەڭگەيىندە قابىلداۋدى ۇسىنىپ وتىر. اسىرەسە اۋىل شارۋاشىلىعى ەڭبەككەرلەرىنىڭ مارتەبەسىن ارتتىرۋ وتە ماڭىزدى. قالا تۇرعىندارىن كوممەرتسيالىق ۇستەمە باعاسىز ازىق-ت ۇلىك تاۋارلارىمەن قامتاماسىز ەتۋ ءۇشىن مەگاپوليستەردە, مونوقالالاردا, وبلىس جانە اۋدان ورتالىقتارىندا تۇتىنۋ قوعامدارى مەن كووپەراتيۆتەر جەلىسىن قۇرۋ جانە دامىتۋ جوسپارلانعان», دەدى نيكولاي ارسيۋتين.