قاسىم-جومارت توقاەۆتى قولداۋ جونىندەگى رەسپۋبليكالىق قوعامدىق شتابتىڭ مۇشەلەرى تۇركىستان وبلىسى جانە شىمكەنت قالاسىنىڭ سايلاۋشىلارىمەن كەزدەسۋلەر وتكىزدى. بارلىق كەزدەسۋلەردە سايلاۋشىلار قاسىم-جومارت توقاەۆتى جانە ونىڭ رەفورمالار باعىتىن قولدايتىنىن جەتكىزدى.
سايلاۋشىلارمەن كەزدەسۋدە وڭىرلەردى دامىتۋعا جانە اۋىلداعى الەۋمەتتىك ينفراقۇرىلىمدى جاقسارتۋعا ارنالعان ماسەلەلەرگە ەرەكشە نازار اۋدارىلدى. الداعى ۋاقىتتا اۋىلدىق جەرلەردە جاڭا جابدىقپەن جاراقتالعان, بىلىكتى مەديتسينا قىزمەتكەرىنەن جاساقتالعان 700 جاڭا مەديتسينالىق نىسان اشىلادى. جالپى, ءتورت ميلليوننان استام اۋىل تۇرعىنى قوسىمشا مامانداندىرىلعان جانە جوعارى تەحنولوگيالىق مەديتسينالىق كومەكپەن قامتىلادى. وبلىس تۇرعىندارى قاسىم-جومارت توقاەۆتىڭ باعدارلاماسىندا باياندالعان اۋىلدىق اۋماقتاردى دامىتۋ تۇجىرىمداماسىن جوعارى باعالادى.
ساۋران اۋدانىندا جەرگىلىكتى جىلىجاي الاڭىندا اۋىل جاستارىمەن جانە شارۋالارمەن كەزدەسۋ ۇيىمداستىرىلدى. ولار ءۇشىن 1 ملن-نان استام اۋىل تۇرعىندارىن قامتيتىن اۋىل شارۋاشىلىعى كووپەراتسياسىن دامىتۋ جوسپارلارى قۋانتارلىق جاڭالىق بولدى, وعان 1 ترلن تەڭگە باعىتتاۋ جوسپارلانىپ وتىر. جاس كاسىپكەرلەر ءۇشىن جىلدىق 2,5% جەڭىلدىكتى نەسيەلەر قاراستىرىلعان.