ازيا تەننيس فەدەراتسياسى 14 جانە 16 جاسقا دەيىنگى جاسوسپىرىمدەر اراسىندا جاڭارتىلعان رەيتينگىنى جاريا ەتتى, دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.
قازاقستان تەننيس فەدەراتسياسىنان ءمالىم ەتكەنىندەي, 14 جاسقا دەيىنگى قىزدار اراسىندا استانالىق البينا كاكەنوۆا بۇرىنعىشا كوش باستاپ كەلەدى. ونىڭ ەسەبىندە 3922 ۇپاي بار.
سونداي-اق اقتوبەلىك ەۆا كورىشەۆا (4-راكەتكا) مەن استانالىق اريانا گوگۋلينا (8-راكەتكا) ۇزدىك وندىققا ەندى.
ال 16 جاسقا دەيىنگى قىزدار اراسىندا الماتىلىق سافينا سافيۋللينا 720 ۇپايمەن ءبىرىنشى ورىنعا كوتەرىلدى. الماتىلىقتار پولينا سلەپتسوۆا التىنشى, ايا نۇپباي توعىزىنشا ساتىدا. بوزبالالار اراسىندا استانالىق كارىم تەمىرلان 2-ورىنعا جايعاسسا, الماتىلىق تيحون سوروكين 7-ساتىعا شىقتى.
ەسكە سالا كەتەيىك, بۇدان بۇرىن قازاقستاندىق تەننيسشىنىڭ گرەكياداعى تۋرنيردە جەڭىمپاز اتانعانىن جازعان بولاتىنبىز.
سونداي-اق تەننيستەن قازاقستاندىق تورەشى كۇمىس بەلگى يەگەرى اتاندى.
ميحايل كۋكۋشكين حەلسينكيدەگى ءتۋرنيردىڭ شيرەك فينالىنا شىقتى.