قازاقستان رەسپۋبليكاسىنىڭ پرەزيدەنتتىگىنە كانديدات قاراقات ابدەن ەل وڭىرلەرىن ارالاپ, سايلاۋشىلارمەن 30-دان استام كەزدەسۋ وتكىزدى. كانديداتتىڭ سايلاۋالدى ساپارلارى اقمولا, قاراعاندى, اباي, پاۆلودار, الماتى, اقتوبە, ۇلىتاۋ, قىزىلوردا, تۇركىستان وبلىستارىنىڭ ۇلكەندى-كىشىلى قالالارى مەن اۋىلدىق ەلدى مەكەندەرىن قامتىدى. كانديداتتىڭ الەۋمەتتىك باعدارلانعان تۇعىرناماسى سايلاۋشىلار تاراپىنان كەڭ قولداۋعا يە بولىپ وتىر.
قاراقات ابدەننىڭ سايلاۋالدى باعدارلاماسىندا كورىنىس تاپقان باعىتتار – ءاربىر قازاقستان ازاماتى ءۇشىن وزەكتى. ولاردىڭ قاتارىندا مىناداي ماسەلەلەر بار: كوپبالالى وتباسىلارعا قولداۋ كورسەتۋ; بالالار مەن جاستاردىڭ ۇيلەسىمدى دامۋىنا جاعداي جاساۋ, قاريالاردى قولداۋعا باعىتتالعان شارالاردى قولعا الۋ; ۇلتتىق-رۋحاني قۇندىلىقتاردى دارىپتەۋ; وزىق ءبىلىم مەن عىلىمنىڭ, ساپالى مەديتسينا قىزمەتىنىڭ بارشاعا قولجەتىمدى بولۋى.
سايلاۋالدى باعدارلامادا وتباسى ينستيتۋتىنا باسا ءمان بەرىلگەن. كانديدات اتاپ وتكەندەي, وتباسىنى قولداۋ جانە نىعايتۋ – ەلدىڭ تابىستى دامۋىنىڭ كەپىلى. سەبەبى وتباسىندا ۇرپاق ساباقتاستىعى, ۇلكەندەرگە قۇرمەت, كىشىلەرگە قامقورلىق, ءوزارا قولداۋ داستۇرلەرى, ەڭبەكقورلىق جانە بىلىمگە دەگەن ۇمتىلىس قالىپتاسادى. ول وتباسى ينستيتۋتىن جان-جاقتى نىعايتۋعا, ونىڭ مارتەبەسىن ارتتىرۋعا مۇددەلى. ءوزىنىڭ سايلاۋالدى باعدارلاماسىندا كانديدات وسكەلەڭ ۇرپاقتى ۇلتتىق قۇندىلىقتار نەگىزىندە تاربيەلەۋ ءۇشىن مەكتەپ باعدارلاماسىنا ارنايى كۋرس ەنگىزۋدى; ستۋدەنتتەردىڭ شاكىرتاقىسىن ۇلعايتۋدى; تۇرعىن ءۇي الۋعا نەمەسە بەلگىلى ءبىر كەزەڭگە پاتەر جالداۋ اقىسىن تولەۋگە بەرىلەتىن اقشالاي سەرتيفيكاتتار جۇيەسىن ەنگىزۋدى; بالا تاربيەلەپ وتىرعان ءۇي شارۋاسىنداعى ايەلدى «جۇمىسكەر» دەپ تانىپ, وسى مەرزىمدى ەڭبەك وتىلىنە قوسۋدى; سيرەك اۋرۋلارى بار بالالارعا كومەك كورسەتۋ جۇيەسىن بىرىزدەندىرۋدى ۇسىنادى.
بۇدان بولەك, سايلاۋشىلارمەن كەزدەسۋ بارىسىندا ق.ابدەن قوعامنىڭ دەرتىنە اينالعان سينتەتيكالىق ەسىرتكىنىڭ تارالۋى مەن جات مادەنيەتكە ەلىكتەگىش جاستاردىڭ ارەكەتتەرىنە ەرەكشە توقتالدى. الداعى ۋاقىتتا كانديدات جامبىل وبلىسىنىڭ سايلاۋشىلارىمەن بىرنەشە كەزدەسۋ وتكىزەدى.
تاپسىرىس بەرۋشى: قر پرەزيدەنتتىگىنە كانديدات ق.ج.ابدەننىڭ سەنىمدى وكىلى ا.س.ۋرازگۋلوۆ.ماقالا اقىسى رەسپۋبليكالىق بيۋدجەت قارجىسىنان تولەندى. وسى ماتەريالدى شىعارعان ۇيىم, ونى باسىپ شىعارعان جەرى جəنە تارالىمى تۋرالى مəلىمەت شىعىس دەرەكتەرىندە كورسەتىلگەن.