پرەزيدەنتتىككە كانديدات قاسىم-جومارت توقاەۆتى قولداۋ جونىندەگى رەسپۋبليكالىق قوعامدىق شتابىنىڭ مۇشەلەرى ماڭعىستاۋ وبلىسىنىڭ تۇرعىندارىمەن بىرقاتار كەزدەسۋ وتكىزدى.
«Zhamal-ai LTD» ارنايى كيىم جانە اياق كيىم وندىرەتىن فابريكاعا بارعان قاسىم-جومارت توقاەۆتىڭ جاقتاستارى كاسىپورىن ۇجىمىنا كانديداتتىڭ سايلاۋالدى باعدارلاماسىندا كورسەتىلگەن بيزنەستى قولداۋ شارالارى تۋرالى ايتىپ بەردى.
«پرەزيدەنت سايلاۋى – مەملەكەتىمىزدىڭ ودان ءارى دامۋ باعىتىن ايقىندايتىن ماڭىزدى قادام. 20 قاراشادا قازاقستاندىقتار سايلاۋ ۋچاسكەلەرىنە كەلىپ, ءوز تاڭداۋىن جاساۋ ارقىلى ساياسي مادەنيەتتىڭ جوعارى دەڭگەيىن كورسەتۋى ماڭىزدى», دەدى شتاب مۇشەسى, قازاقستان ازاماتتىق اليانسىنىڭ پرەزيدەنتى بانۋ نۇرعازيەۆا.
بۇدان سوڭ شتاب مۇشەلەرى ءوڭىر جۇرتشىلىعىمەن سايلاۋالدى باعدارلاماداعى ايماقتىق كولىك جانە الەۋمەتتىك ينفراقۇرىلىمدى جاقسارتۋ بولىمىندەگى نەگىزگى باعىتتاردى تالقىلادى. IT ماماندارمەن كەزدەسۋدە شتاب مۇشەلەرى سايلاۋالدى باعدارلامانىڭ تسيفرلاندىرۋعا ارنالعان بولىمىنە باسا نازار اۋداردى.
سونىمەن قاتار «قمگ ينجينيرينگ» الاڭىندا رقش مۇشەلەرى ءوڭىردىڭ مۇنايشىلارىمەن كەزدەسىپ, ولارعا سايلاۋالدى باعدارلامادا كوزدەلگەن قاۋىپسىز ەڭبەك ورتاسىن قۇرۋ جانە جۇمىسشىلاردىڭ قۇقىعىن قورعاۋ جونىندەگى شارالار تۋرالى ايتىپ بەردى.