KASE قازاقستان قور بيرجاسى 15:30-داعى جاعداي بويىنشا دوللاردىڭ ورتاشا ولشەنگەن باعامى 459,35 تەڭگەنى قۇراپ, 1,44 تەڭگەگە تومەندەگەنىن حابارلادى, دەپ جازادى Egemen.kz.
قىتاي ءيۋانىنىڭ ورتاشا ولشەنگەن باعامى تومەندەپ, 64,88 تەڭگەنى (-0,73) قۇرادى.
ەۋرو جانە رەسەي ءرۋبلى بويىنشا ساۋدا-ساتتىق جۇرگىزىلگەن جوق. ۇلتتىق بانك ەۋرو باعامىن 479,43 تەڭگەگە, ءرۋبلدى - 7,64 تەڭگەگە بەلگىلەدى.
ايىرباستاۋ پۋنكتتەرىندە دوللاردى - 460-465 تەڭگەدەن, ەۋرونى - 472-478 تەڭگەدەن, رەسەي ءرۋبلىن - 7,23-7,4 تەڭگەدەن ساتىپ الادى/ساتادى.
سونىمەن قاتار 16 قاراشاداعى ساۋدا-ساتتىق بارىسىندا الەمدىك مۇناي باعاسى تومەندەدى.
وسىلايشا, Brent ماركالى قاڭتار فيۋچەرستەرىنىڭ قۇنى 0,44%-عا تومەندەپ, باررەلىنە 93,45 دوللاردى قۇرادى.
جەلتوقسان WTI مۇناي فيۋچەرستەرىنىڭ باعاسى 0,58%-عا, باررەلىنە 86,41 دوللارعا دەيىن تومەندەدى.