پرەزيدەنتتىككە كانديدات قاراقات ابدەن تۇركىستان قالاسىنىڭ جۇرتشىلىعىمەن جۇزدەسۋ كەزىندە كيەلى مەكەننىڭ وتاندىق ءتۋريزمدى دامىتۋدا زور الەۋەتكە يە ەكەنىن اتاپ ءوتتى.
كەزدەسۋ بارىسىندا جينالعان جۇرتقا ءوزىنىڭ سايلاۋالدى باعدارلاماسىن تانىستىرعان كانديدات قوعامداعى وزەكتى سۇراقتار مەن تۋريزم سالاسىن دامىتۋ ماسەلەلەرىنە دە توقتالدى.
ق.ابدەن اتاپ وتكەندەي, تاريحي-مادەني ەسكەرتكىشتەر مەن مادەني مۇرا نىساندارى كوپ شوعىرلانعان تۇركىستان شاھارىنىڭ ءتۋريزمدى دامىتۋدا الەۋەتى زور.
«تۇركىستان – بارشا تۇركى حالىقتارىنا ورتاق, الەمگە ايگىلى قاسيەتتى جەر. ەجەلدەن-اق «ەكىنشى مەككە» دەپ اتانىپ كەتكەن قازاقتىڭ رۋحاني استاناسى كوپتەگەن ساياحاتشىلاردىڭ قىزىعۋشىلىعىنا يە بولىپ وتىر. تۇركىستاننىڭ تاريحي ماڭىزىن جانە وسى وڭىردە شوعىرلانعان كيەلى جەرلەردىڭ كوپ ەكەنىن ەسكەرە كەلە, الكوگولدى ىشىمدىكتەردى ساتۋدان باس تارتقان العاشقى قالالاردىڭ ءبىرى اتانۋىنا بارلىق مۇمكىندىك بار», دەدى ق.ابدەن.
كەزدەسۋگە سونداي-اق وڭىرلىك تۋريزم سالاسىنىڭ وكىلدەرى قاتىسىپ, بۇل باعىتتىڭ وزەكتى سۇراقتارىن ورتاعا سالدى.
«بىزگە شەتەلدەن كوپ تۋريستەر كەلەدى, بىراق ىشكى تۋريزم نارىعىن دا دامىتۋ كەرەك. ايماقتىڭ ينفراقۇرىلىمىن دا نازاردان تىس قالدىرماعان ءجون», دەدى تۋريستىك كومپانيانىڭ وكىلى ءمولدىر مالىبەكوۆا.