قازاقستان رەسپۋبليكاسىنىڭ پرەزيدەنتتىگىنە كانديدات جيگۋلي دايراباەۆ اتىراۋ وبلىسىندا بولىپ, سارايشىق اۋىلىنىڭ دارىگەرلەرىمەن كەزدەستى. كەزدەسۋدە اۋىلدىق جەرلەردەگى مەديتسينالىق قىزمەتتىڭ ساپاسى جايلى ايتىلدى.
اۋىلدارداعى ينفراقۇرىلىمنىڭ وزەكتى پروبلەمالارىنىڭ ءبىرى – مەديتسينالىق ساقتاندىرۋمەن قامتاماسىز ەتۋ. تۇرعىنداردىڭ تۇراقتى جۇمىسى بولماعاندىقتان مەديتسينالىق ساقتاندىرۋ قورىنا تۇسەتىن تۇسىمدەرى جوق. سول سەبەپتى مەملەكەت تاراپىنان كورسەتىلەتىن مەديتسينالىق كومەك اۋىلدىقتارعا ارمان كۇيىندە قالىپ وتىر.
«تىعىرىقتان شىعۋدىڭ باسقا جولى بار. ول – جەكە ءۇي شارۋاشىلىعى كووپەراتسياسىن قۇرۋ. ءبىر ءجۇش-تە ەڭ كەمى ەكى ادام – ەرى مەن ايەلى جۇمىس ىستەيدى, ياعني ءوزىن ءوزى قامتاماسىز ەتەدى. ولار وندىرگەن اۋىلشارۋاشىلىعى ءونىمىن كووپەراتيۆكە وتكىزسە كووپەراتيۆ ولاردان سالىقتى ۇستاپ قالۋعا مىندەتتى. وسىلايشا, قاراجاتتىڭ ءبىر بولىگىن الەۋمەتتىك ساقتاندىرۋ جانە مەديتسينالىق ساقتاندىرۋ قورىنداعى جيناقتاۋ شوتىنا اۋدارۋعا بولادى. بۇل ءۇي شارۋاشىلىعىندا جۇمىس ىستەيتىن ازاماتتاردى مەديتسينالىق قىزمەتپەن قامتاماسىز ەتۋگە كومەك بولادى», دەدى ج.دايراباەۆ كەزدەسۋ كەزىندە.