پرەزيدەنتتىككە كانديدات قاسىم-جومارت توقاەۆتى قولداۋ جونىندەگى رەسپۋبليكالىق قوعامدىق شتابتىڭ مۇشەلەرى اتىراۋ وبلىسىنىڭ تۇرعىندارىمەن بىرقاتار كەزدەسۋ وتكىزدى.
شتاب مۇشەلەرى «بولاشاق» مۇناي مەن گازدى كەشەندى دايىنداۋ زاۋىتىنىڭ ۇجىمىمەن كەزدەسىپ, كانديداتتىڭ سايلاۋالدى باعدارلاماسىندا كورسەتىلگەن ەلدىڭ ەنەرگەتيكالىق سەكتورىن دامىتۋ جونىندەگى شارالارعا نازار اۋداردى.
ء«بىزدىڭ مىندەتىمىز – ءاربىر قازاقستاندىققا الداعى سايلاۋدىڭ ماڭىزدىلىعىن جەتكىزۋ. تۇرعىنداردى 20 قاراشادا سايلاۋ ۋچاسكەلەرىنە كەلىپ, ازاماتتىق بورىشىن وتەۋگە شاقىرامىز. بۇل – ەلىمىزدىڭ ەرتەڭى ءۇشىن وتە ماڭىزدى تاڭداۋ», دەدى شتاب مۇشەسى باقتىقوجا ىزمۇحامبەتوۆ.
مۇناي-گاز سالاسىنىڭ ارداگەرلەرىمەن كەزدەسۋدە قاسىم-جومارت توقاەۆتىڭ جاقتاستارى سايلاۋالدى باعدارلامانىڭ كاسىپورىندارداعى ەڭبەك جاعدايلارىن جاقسارتۋ جانە جالاقىنى ارتتىرۋعا قاتىستى تارماقتارىنا توقتالدى. بۇدان سوڭ بالىق وڭدەۋ كاسىپورنىنىڭ الاڭىندا سالا كاسىپكەرلەرىمەن بىرلەسىپ, سايلاۋالدى باعدارلامادا كورسەتىلگەن بالىق شارۋاشىلىعىن دامىتۋ جانە سۋ نىساندارىنىڭ ەكوجۇيەسىن قورعاۋ جونىندەگى شارالار تالقىلاندى.