كريپتونارىققا قاتەر ءتوندى مە؟

بۇل پروتسەدۋرا كومپانيالارعا بيزنەستى قايتا ۇيىمداستىرۋ جانە قارىزدى قايتا قۇرى­لىم­داۋ كەزىندە كرەديتورلاردىڭ تالاپ­تارىن قورعاۋعا مۇمكىندىك بەرەدى. پلاتفور­مانىڭ باس ديرەكتورى سەم بەنكمان-فريد قىزمەتتەن كەتىپ, ونىڭ ورنىنا سەو بولىپ دجون رەي III تاعايىندالعان. الەمدەگى اسا ءىرى كريپتوبيرجانىڭ قۇلدىراۋى تسيفرلى ۆاليۋتا جانە بيتكوين جاڭالىقتارىن جازۋمەن اينالىساتىن CoinDesk مەديا قۇرىلىمىنىڭ قاراشانىڭ باسىنداعى زەرتتەۋىنەن كەيىن باستالدى. وندا FTX-پەن بايلانىستى Alameda (14,6 ملرد دوللار) كومپانياسى اكتيۆىنىڭ باسىم بولىگىن FTT توكەندەرى قۇرايتىنى انىق­تالعان. ۆەنچۋرلى سالاداعى گيگانت فياتتى ۆاليۋتا نەمەسە وزگە دە كريپتوۆاليۋتالارى سياقتى تاۋەلسىز اكتيۆتەردىڭ ورنىنا ءوزىنىڭ ەنشىلەس كومپانياسى شىعارعان مونەتالارمەن قامتاماسىز ەتىلىپ كەلگەن. ياعني FTX Alameda شىعىندارىن كليەنتتەردىڭ قارجىسى ەسەبىنەن جاۋىپ وتىرعان.

ايگىلى Binance پلاتفورماسى FTX-ءدى ساتىپ الۋ نۇسقاسىن قاراستىرعان. الايدا due diligence (كەشەندى تاۋەلسىز باعالاۋ) جۇرگىز­گەن­نەن كەيىن جانە ءىرى كريپتوبيرجانىڭ كليەنتتەر قارجىسىن ماقساتسىز پايدالانعانى جايلى جاريالانعان اقپاراتتان سوڭ, اۋەلگى رايىنان قايتقان. بۇرىنعى CEO بەنكمان-ءفريدتىڭ بولجاۋىنشا, كليەنتتەر قارجىسى مەن بيزنەستى ساقتاپ قالۋعا 8 ملرد دوللار قاجەت بولۋى مۇمكىن. Binance-پەن مامىلە ءساتسىز اياقتالعان سوڭ, ول امەريكالىق Kraken كريپتوبيرجاسىنا جانە Tron بلوكچەينىنىڭ نەگىزىن سالۋشى, Huobi بيرجاسى باسشىلارىنىڭ ءبىرى دجاستين سانعا ءوتىنىش جاساعان. بىراق وڭ جاۋاپ الا الماعان.

Binance كريپتوۆاليۋتا بيرجاسىنىڭ باسشىسى چانپەن چجاو FTX-ءدىڭ بانكروتقا ۇشى­راۋى الداعى بىرنەشە اپتادا تاعى ءبىراز ءىرى كومپانيانىڭ قۇلدىراۋىنا اكەلىپ سوق­تىرۋى ىقتيمال دەيدى. نارىق FTX كريپتوۆاليۋتا پلاتفورماسىنىڭ اينالاسىنداعى داع­دارىستىڭ بارلىق سالدارىن ءالى سەزىنىپ ۇلگەرە قويعان جوق, دەدى ول يندونەزياداعى كونفەرەنتسيا كەزىندە.

تەلەگرامداعى Tengenomika كانالىنىڭ حابارلاۋىنشا, ايگىلى ەكونوميست نۋريەل رۋبيني FTX بيرجاسىن قارجى پيراميداسى دەپ سانايتىنىن ءمالىم ەتكەن. سونداي-اق ەكونو­ميست Binance بيرجاسىنا دا ۇلكەن كۇمانمەن قارايدى. ەسكە سالايىق, Binance بيىل قازاق­ستانمەن تىعىز ىنتىماقتاستىق ورناتا باس­تادى. مامىر ايىندا پرەزيدەنت قاسىم-جومارت توقاەۆ Binance كومپانياسىنىڭ باس ديرەكتورى چانپەن چجاونى قابىلدادى. اتالعان كەزدەسۋ بارىسىندا ەلىمىزدىڭ سالالىق قۇرىلىمدارى مەن Binance كومپانياسىنىڭ اراسىندا تسيفرلىق قارجى سالاسىنداعى, بلوكچەين تەحنولوگياسى باعىتى بويىنشا بىرلەسكەن ءبىلىم بەرۋ باعدارلامالارىن جۇزەگە اسىرۋ جونىندەگى ىنتىماقتاستىقتىڭ ۇزاقمەرزىمدى پەرسپەكتيۆالارى, سونداي-اق قازاقستاندا كريپتويندۋستريانىڭ وڭىرلىك حابىن قۇرۋ ماسەلەسى تالقىلانعان ەدى.

سونىمەن قاتار پرەزيدەنتتىڭ قاتىسۋىمەن تسيفرلىق دامۋ, يننوۆاتسيالار جانە اەرو­عارىش ونەركاسىبى مينيسترلىگى مەن Binance كوم­پ­انياسىنىڭ اراسىندا ىنتىماقتاستىق تۋرالى مەموراندۋمعا قول قويىلدى.

«كريپتوبيرجالار اراسىندا الەمدىك ليدەر بولىپ سانالاتىن Binance بارلىق ەكو­جۇيە ءۇشىن جاۋاپكەرشىلىكتى ءوز موينىنا الىپ وتىر. قازاقستانداعى Binance جول كارتاسىن قاراستىردىق. ءبىز سونداي-اق بلوكچەينگە باعىتتالعان ۆەنچۋرلىق كاپيتال قورىن جانە Astana Hub-تىڭ جەرگىلىكتى تالانتتارىنىڭ جاھاندىق ارەناعا شىعۋىنا كومەكتەسەتىن اكادەميانى قۇرۋ الەۋەتىن تالقىلادىق. ەلىمىزدىڭ كريپتو الەمىندەگى حالىقارالىق ويىنشىلار ءۇشىن ايماقتىق حاب بولا الاتىنىنا سەنەمىز», دەگەن ەدى مينيستر باعدات مۋسين.

«استانا» حالىقارالىق قارجى ورتالىعى­نىڭ حابارلاۋىنشا, تامىز ايىندا بيرجا قارجىلىق قىزمەتتەردى رەتتەۋ بويىنشا ساۋ­دا الاڭى كوميتەتىنەن تسيفرلى اكتيۆتەردى باس­قارۋ جانە كاستوديالدى قىزمەتتەر كورسەتۋگە رۇقسات العان. وسىلايشا, وتاندىق قارجى ورتالىعى تمد ەلدەرى اراسىندا ءبىرىنشى بولىپ Binance-پەن جۇمىس ىستەيدى.

چانپەن چجاونىڭ ايتۋىنشا, قازاقستان ازيادا العاشقىلاردىڭ ءبىرى بولىپ كريپتوۆاليۋتالاردى رەتتەۋگە كىرىستى. قازاقستاننىڭ كريپتوۆاليۋتانى ءوندىرۋ بويىنشا دا كوشباس­شىلىق پوزيتسيادا بولۋى ايگىلى بيرجانىڭ قىزىعۋشىلىعىن وياتقان.

«جاھاندىق تەندەنتسيانى ەسكەرە وتىرىپ, سوڭعى جىلدارى قازاقستان ۇكىمەتى كريپ­توۆاليۋتالاردى ءوندىرۋ جانە اينالىمى سا­لاسىنداعى قىزمەتتى زاڭداستىرىپ, «كريپ­توۆاليۋتا» زاڭناماسىنا ايتارلىقتاي تۇزەتۋلەر ەنگىزدى. ءبىز ەلدە سالانىڭ ودان ءارى ءوسۋى ءۇشىن ۇل­كەن الەۋەت بارىن كورىپ وتىرمىز جانە الەمدىك كوش­باس­شىلار رەتىندە بۇعان ءوز ۇلەسىمىزدى قوسۋعا قۋا­نىش­تى بولامىز. قازاقستان ۇكىمەتىمەن ۆير­تۋال­دى اكتيۆتەر نارىعىن دامىتۋعا ءوزارا مۇددەلى­لىك تۋرالى كەلىسىمگە قول قويدىق. وسى ەلدەگى كريپ­توۆاليۋتالار ءۇشىن زاڭنامالىق بازا مەن رەت­تەۋ ساياساتىن ازىرلەۋدىڭ ماڭىزدىلىعىن كورىپ وتىر­مىز», دەيدى Binance باسشىسى قازاق­ستان­دىق Forbes باسىلىمىنا بەرگەن سۇحباتىندا.

ايتپاقشى, FTX بانكروتتىعى وزگە كريپتو­نارىقتاردى دا قۇلدىراتىپ جاتىر. 7-11 قاراشا ارالىعىندا بيتكوين 15 100 دوللارعا دەيىن قۇنىن جوعالتسا, FTX-پەن تىعىز بايلانىستاعى Solana ءوز قۇنىنىڭ 60 پايىزىن جوعالتقان.