سىرتقى ىستەر مينيسترلىگى مەن ورتالىق سايلاۋ كوميسسياسى ەلىمىزدە اككرەديتتەلگەن شەتەلدىك ديپلوماتيالىق كورپۋستىڭ وكىلدەرى ءۇشىن قازاقستان رەسپۋبليكاسى پرەزيدەنتىنىڭ الداعى سايلاۋىنا ارنالعان بىرلەسكەن بريفينگ وتكىزدى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
«تاۋەلسىزدىكتىڭ بارلىق جىلدارى قازاقستان حالقى تۇراقتى, گۇلدەنگەن جانە ينكليۋزيۆتى قوعام قۇرۋ ءۇشىن جۇمىس ىستەدى. ءبىزدىڭ دەموكراتيالىق قۇقىعىمىزدى جالپىحالىقتىق داۋىس بەرۋ ارقىلى جۇزەگە اسىرۋ وسى ۋاقىتقا دەيىن قول جەتكىزگەن جەتىستىكتەرىمىزدى نىعايتۋعا كومەكتەسەدى جانە ودان ءارى ىلگەرىلەۋگە نەگىز بولادى», دەدى قازاقستان پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى.
ورتالىق سايلاۋ كوميسسياسىنىڭ توراعاسى نۇرلان ءابدىروۆ پرەزيدەنت سايلاۋىن وتكىزۋگە دايىندىق بارىسى جانە ونىڭ نەگىزگى راسىمدىك اسپەكتىلەرى تۋرالى ايتىپ بەردى.
«ورتالىق سايلاۋ كوميسسياسى ءوز جۇمىسىن زاڭعا قاتاڭ سايكەس جۇرگىزەدى, اشىقتىق پەن جاريا ديالوگ قاعيداتتارىندا ارەكەت ەتەدى. سايلاۋ ناۋقانى «قازاقستان رەسپۋبليكاسىنداعى سايلاۋ تۋرالى» قولدانىستاعى كونستيتۋتسيالىق زاڭىنىڭ نەگىزىندە ءوتىپ جاتقانىن اتاپ ءوتۋ ماڭىزدى», دەدى ن. ءابدىروۆ.
ونىڭ ايتۋىنشا, ەل بويىنشا سايلاۋدا بارلىعى 10 101 ۋچاسكە جۇمىس ىستەيدى. ال سايلاۋشىلار تىزىمىنە 11 950 485 ازامات ەنەدى. سونداي-اق ورتالىق سايلاۋ كوميسسياسى داۋىس بەرۋگە, ونىڭ ىشىندە مۇمكىندىگى شەكتەۋلى ادامدارعا قاجەتتى جاعدايلار جاساۋعا ەرەكشە نازار اۋدارادى.
«حالىقارالىق بايقاۋشىلاردى اككرەديتتەۋ كەشە اياقتالدى. ورتالىق سايلاۋ كوميسسياسى جانىنان بارلىعى 641 بايقاۋشى اككرەديتتەلگەن, ونىڭ ىشىندە ەقىۇ دياقب, تمد, تمد پاا, ۇقشۇ پا, تۇركى مەملەكەتتەرى ۇيىمى, تۇركپا, شىۇ, يىۇ بايقاۋشىلار ميسسيالارىنىڭ وكىلدەرى, سونداي-اق 35 شەت مەملەكەتتىڭ وكىلدەرى بار», دەپ اتاپ ءوتتى وسك توراعاسى.