پرەزيدەنتتىككە كانديدات قاراقات ابدەن شىمكەنت قالاسىنداعى «اگف گرۋپپ» تىگىن فابريكاسىنىڭ ۇجىمىمەن كەزدەستى. كەزدەسۋ بارىسىندا كانديداتتىڭ باعدارلاماسى تانىستىرىلىپ, قوعامداعى وزەكتى ماسەلەلەر تالقىلاندى.
تىگىن فابريكاسى ۇجىمىنىڭ باسىم كوپشىلىگى ايەلدەر قاۋىمى بولعاندىقتان ولاردىڭ تاراپىنان كانديدات ۇسىنعان انالاردى, كوپبالالى وتباسىلاردى قولداۋ جانە ۇلتتىق قۇندىلىقتاردى دارىپتەۋگە قاتىستى ءىس-شارالارعا باسا ءمان بەرىلدى.
«وتباسى مەن انالاردىڭ الەۋمەتتىك ماسەلەلەرى – ەل ەكونوميكاسىنىڭ دامۋىن كورسەتەتىن بىردەن-ءبىر كورسەتكىش. مەنىڭ سايلاۋالدى باعدارلامامدا بۇل سۇراقتارعا كوپ كوڭىل بولىنگەن. ءاربىر وتباسى, اسىرەسە كوپ بالالى وتباسىنىڭ رۋحاني-ونەگەلىك الەۋەتى زور, سوندىقتان ول حالىقتىڭ عاسىرلار بويى جيناقتالعان ۇلتتىق قۇندىلىقتارىن ساقتاپ, ۇرپاقتان-ۇرپاققا جەتكىزەتىن ماڭىزدى ۇعىم بولىپ تابىلادى. قازىرگى كەزدە وتباسى ينستيتۋتىن جان-جاقتى نىعايتۋ, ونىڭ مارتەبەسىن ارتتىرۋ, كوپبالالى انالارعا قولداۋ كورسەتۋ ەرەكشە ماڭىزدى», دەدى ق.ابدەن.
كەزدەسۋگە وبسە بايقاۋشىلار ميسسياسىنىڭ وكىلدەرى كريستوفەر ماككالوۋ مەن كريستينا بوگدانوۆا قاتىستى. ولار ۇگىت-ناسيحات ناۋقانىنىڭ بارىسىمەن, قاراقات ابدەننىڭ سايلاۋالدى شتابتارىنىڭ جۇمىسىمەن تانىستى.
ايتا كەتەيىك, كانديدات ق.ابدەن وسى ۋاقىتقا دەيىن 8 وبلىستا 30-دان استام كەزدەسۋ وتكىزدى.