بىرقاتار وبلىستا داۋىلدى ەسكەرتۋ جاريالاندى

الماتى وبلىسىندا كۇندىز جاۋىن-شاشىن كۇتىلەدى. وڭتۇستىك-باتىستان تاۋلى ايماقتاردىڭ كەي جەرلەرىندە ەكپىنى 23-28 م/س جەل سوعادى. قوناەۆ قالاسىندا وڭتۇستىك-باتىستان ەكپىنى 15-20  م/س جەل سوعادى.

15-16 قاراشادا سولتۇستىكتە, جەتىسۋ وبلىسىنىڭ تاۋ بوكتەرىندەگى اۋداندارىندا تۇمان كۇتىلەدى. وڭتۇستىك-باتىستان سوعاتىن جەلدىڭ كۇشى وبلىستىڭ سولتۇستىگى مەن شىعىسىندا 15-20 م/س, الاكول اۋدانىندا 23-28 م/س جەل كۇتىلەدى.

15 قاراشادا سولتۇستىكتە, قىزىلوردا وبلىسىنىڭ ورتالىعىندا كوكتايعاق بولادى. باتىستان سوققان جەل ەكپىنى 23 م/س. قىزىلوردادا 15 قاراشادا باتىستان 15-20 م/س جەل سوعادى.

باتىس قازاقستان وبلىسىنىڭ سولتۇستىگىندە, شىعىسىندا باياۋ بۇرقاسىن, كوكتايعاق كۇتىلەدى. سولتۇستىك-باتىستان سوعاتىن جەل وبلىستىڭ سولتۇستىگىندە, شىعىسىندا ەكپىنى 15-20 م/س. ورالدا 15 قاراشادا باياۋ بۇرقاسىن, كوكتايعاق بولادى.

اقتوبە وبلىسىنىڭ وڭتۇستىگىندە, شىعىسىندا بۇرقاسىن, كوكتايعاق كۇتىلەدى. سولتۇستىك-باتىستان جەل سوعادى, ەكپىنى 15-20 م/س. اقتوبەدە 15 قاراشادا سولتۇستىك-باتىستان ەكپىنى 15 م/س جەل سوعادى.

سولتۇستىك قازاقستان وبلىسىنىڭ باسىم بولىگىندە جاڭبىر جاۋادى. وبلىستىڭ سولتۇستىگىندە, باتىسىندا, وڭتۇستىك-شىعىسىندا كوكتايعاق, تومەن قارلى بوران بولادى. پەتروپاۆلدا 15 قاراشادا جاۋىن-شاشىن (جاڭبىر, قار), كوكتايعاق كۇتىلەدى. وڭتۇستىك-باتىستان سوعاتىن جەل سولتۇستىك-باتىسقا اۋىسادى.

استانادا جاۋىن-شاشىن (نەگىزىنەن قار), بۇرقاسىن, كوكتايعاق كۇتىلەدى. وڭتۇستىك-باتىستان  ەكپىنى 17-22 م/س جەل سوعادى.

اتىراۋ وبلىسىنىڭ سولتۇستىگىندە, شىعىسىندا كوكتايعاق كۇتىلەدى. اتىراۋدا 15 قاراشادا سولتۇستىك-باتىستان 15-20 م/س جەل سوعادى.

پاۆلودار وبلىسىنىڭ باسىم بولىگىندە جاۋىن-شاشىن (جاڭبىر, قار), كوكتايعاق, بۇرقاسىن كۇتىلەدى. وڭتۇستىك-باتىستان سوعاتىن جەلدىڭ كۇشى وبلىستىڭ باسىم بولىگىندە 15-20 م/س, وبلىستىڭ وڭتۇستىگىندە ەكپىنى 23-28 م/س. پاۆلوداردا 15 قاراشادا كوكتايعاق, بۇرقاسىن كۇتىلەدى. وڭتۇستىك-باتىستان سوعاتىن جەل ەكپىنى 15-20 م/س.

اقمولا وبلىسىنىڭ باسىم بولىگىندە جانە كوكشەتاۋ قالاسىندا جاۋىن-شاشىن (نەگىزىنەن قار), كوكتايعاق, بۇرقاسىن كۇتىلەدى.

ماڭعىستاۋ وبلىسىندا سولتۇستىك-باتىستان جەل سوعادى, وبلىستىڭ باتىسىندا, سولتۇستىگىندە, سولتۇستىك-شىعىسىندا 17-22 م/س كۇشەيەدى. اقتاۋدا سولتۇستىك-باتىستان جەل سوعادى, ەكپىنى 15-20 م/س.

اباي وبلىسىندا ازداعان بۇرقاسىن, كوكتايعاق كۇتىلەدى. سەمەيدە 15 قاراشادا وڭتۇستىك-باتىستان ەكپىنى 15-20 م/س جەل سوعادى.

شىعىس قازاقستان وبلىسىندا باياۋ بۇرقاسىن, كوكتايعاق كۇتىلەدى. وسكەمەندە 15 قاراشادا وڭتۇستىك-باتىستان جەل سوعادى, ەكپىنى 15-20 م/س بولادى.

قوستاناي وبلىسىندا جاۋىن-شاشىن, كوكتايعاق كۇتىلەدى (نەگىزىنەن قار جاۋادى). وبلىستىڭ شىعىسىندا تۇمان بولادى. سولتۇستىك-باتىستان سوعاتىن جەل ەكپىنى 15-20 م/س. قوستانايدا كوكتايعاق, بۇرقاسىن كۇتىلەدى. سولتۇستىك-باتىستان جەل سوعادى, ەكپىنى 15-20 م/س.

تۇركىستان وبلىسىنىڭ تاۋلى جانە تاۋ بوكتەرىندەگى ايماقتارىندا قاتتى جاۋىن-شاشىن (جاڭبىر, قار) كۇتىلەدى. شىمكەنتتە تاڭەرتەڭ قاتتى جاۋىن-شاشىن (نەگىزىنەن جاڭبىر) بولادى. باتىستان سوعاتىن جەل ەكپىنى 15-20 م/س. تۇركىستاندا باتىستان جەل سوعادى, ەكپىنى 15-20 م/س.

قاراعاندىدا 15 قاراشادا تۇندە جانە تاڭەرتەڭ قالىڭ قار جاۋادى دەپ كۇتىلۋدە. 

ۇلىتاۋ وبلىسىنىڭ باسىم بولىگىندە كوكتايعاق, بۇرقاسىن كۇتىلەدى, جولداردا قار جاۋادى. باتىستان جەل سوعادى, وبلىستىڭ باسىم بولىگىندە جەل ەكپىنى 17-22 م/س, وبلىستىڭ سولتۇستىك-شىعىسىندا ەكپىنى 28 م/س. جەزقازعاندا كەي جەرلەردە كوكتايعاق كۇتىلەدى. باتىستان ەكپىنى 17-22 م/س جەل سوعادى.