قازاقستاننىڭ تابيعي سۋ ايدىندارىندا جىل سايىن شامامەن 40-45 مىڭ توننا بالىق اۋلانادى. بۇل كورسەتكىش جىل سايىن ءوسىپ كەلەدى. بۇل تۋرالى ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ ماجىلىستەگى ۇكىمەت ساعاتىندا ايتتى, دەپ حابارلايدى Egemen.kz.
وتكەن جىلى 15 مىڭ تونناعا جۋىق تاۋارلىق بالىق ءوسىرىلدى. بۇل 2017 جىلعى دەڭگەيدەن 5,5 ەسە جوعارى. سونىمەن قاتار, قازاقستانعا 41 مىڭ تونناعا جۋىق بالىق ونىمدەرى, نەگىزىنەن مۇحيتتىق جانە تەڭىز بالىق تۇرلەرى (سكۋمبريا جانە مايشاباق) اكەلىنەدى جانە شامامەن 25 مىڭ توننا ەكسپورتتالادى. بۇل رەتتە, وتاندىق بالىق ونىمدەرى الەمدىك نارىقتا تابىستى باسەكەگە يە», دەدى سەرىكقالي برەكەشەۆ.
ءمينيستردىڭ ايتۋىنشا, بۇل باعىتتا ۆەدومستۆونىڭ نەگىزگى مىندەت - بالىقتىڭ ىشكى تۇتىنۋىن ارتتىرۋ, سونداي-اق تەڭىز بالىق شارۋاشىلىعىن يگەرۋ جانە تاۋارلىق بالىق شارۋاشىلىعىن دامىتۋ ەسەبىنەن ەكسپورتتىق الەۋەتتى ودان ءارى ارتتىرۋ.
«بالىق سالاسى ەكونوميكالىق ءوسۋ مەن حالىقتى جۇمىسپەن قامتۋدىڭ نەگىزى رەتىندە ەكونوميكاداعى ماڭىزدى سالالاردىڭ ءبىرى بولىپ ەسەپتەلەدى», دەپ تولىقتىردى سەرىكقالي برەكەشەۆ.