كاسىپكە دەگەن ادالدىق جاسقا قارامايدى ەكەن. ولاي دەۋىمىزگە نەگىز بار. شىمقالاداعى قاپال باتىر كوشەسىندە ءاليا ەسىمدى كەيۋانا تۇرادى. جاسى جەتپىس بەسكە كەلسە دە ءالى شيراق, ەڭبەكتەن قول ۇزگەن جوق.
قالاداعى ەڭبەكشى اۋدانىنا قاراستى قاراتوبە بايلانىس بولىمشەسىندە ۇزاق جىلدار حات تاسۋشى بولىپ جەمىستى ەڭبەك ەتىپ, تۇرعىنداردىڭ قۇرمەتىنە بولەنگەن قاراپايىم كاسىپ يەسى زەينەتكەرلىككە شىقسا دا باسشىلىقتىڭ ۇيعارىمىمەن ەڭبەك جولىن ودان ءارى جالعاستىرىپ ءجۇر.
ءار كۇن سايىن تاڭمەن تالاسا تۇرىپ, جۇمىسقا اسىعاتىن ەڭبەكقور انا گازەت-جۋرنالدار مەن حات-حابارلاردى يەلەرىنە ۋاقتىلى جەتكىزىپ وتىرادى. ونىڭ ۇستىنە ءتۇرلى مەكەمەلەر مەن ۇيىمداردىڭ رەسمي قۇجاتتارى مەن جەدەلحاتتاردى, سالەم-ساۋقاتتاردى قوسىڭىز. قىسقاسى, جاۋاپكەرشىلىگى مول, سىرت كوزگە ونشا بىلىنە بەرمەيتىن تىنىمسىز شارۋا.
ءۇيدىڭ دە, ءتۇزدىڭ دە ويابىن تابا بىلگەن ەڭبەكقور الەكەڭ وتباسىندا دا باقىتتى. ەكى ۇلى مەن ەكى قىزىنان 13 نەمەرە, جيەن مەن 4 شوبەرە ءسۇيىپ وتىر.
باياندى باقىتىن ادال ەڭبەكتەن تاپقان ءاليا التىنبەكوۆانى ۇنەمى قوعامدىق جۇمىستاردىڭ دا بەل ورتاسىنان كورەسىڭ. كوشە كوميتەتىنىڭ ءتورايىمى رەتىندە اۋدان اكىمدىگىندە وتەتىن جيىندارعا تۇراقتى قاتىسىپ, ۇسىنىس-پىكىرلەرى مەن ويلارىن اشىق ايتادى. از قامتاماسىز ەتىلگەن وتباسىلارعا بايەك بولىپ, قامقور قولىن سوزىپ جۇرەدى.
«داراق ءبىر جەردە كوگەرەدى» دەيدى حالىق دانالىعى. جەتپىس بەس جاسىندا ەڭبەكتەن قول ۇزبەگەن جاندى وزگەلەرگە ۇلگى ەتسەك, سوكەتتىگى بولا قويماس دەگەن ويدامىز.
كارىباي امزە ۇلى,
ەڭبەك ارداگەرى, زەينەتكەر
شىمكەنت