تجم باسشىسى تۇركىستان وبلىسىنىڭ حالقىمەن كەزدەسۋدە قابىلدانىپ جاتقان ءورت قاۋىپسىزدىگى شارالارى تۋرالى ايتتى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
2022 جىلدىڭ 1 قازانىنان باستاپ جىلىتۋ كەزەڭى باستالدى. جىلىتۋ ماۋسىمىندا ازاماتتاردىڭ قازا بولۋ قاۋپىن ازايتۋ ءۇشىن مينيسترلىك بىرقاتار شارا قابىلدادى. ءبىرىنشى كەزەكتە, رەسپۋبليكا بويىنشا حالىقتىڭ الەۋمەتتىك وسال توپتارىنىڭ سانىن ەسەپتەۋ اياقتالدى. ولار كوپبالالى, از قامتىلعان وتباسىلار, زەينەتكەرلەر مەن مۇگەدەكتەر. ولارعا كەيىن اتاۋلى كومەك كورسەتىلەدى. وڭىردە ولاردىڭ سانى 25 مىڭنان اسادى.
ەكىنشىسى-جىلىتۋ ماۋسىمى بويى جۇرگىزىلەتىن تۇرعىن ءۇي سەكتورىنداعى پروفيلاكتيكا. مۇندا ازاماتتارعا پەشتەردى, ەلەكتر جابدىقتارىن پايدالانۋ, سونداي-اق گاز جابدىقتارى مەن باللونداردى دۇرىس پايدالانۋ جانە ساقتاۋ بويىنشا ادىستەمەلىك كومەك كورسەتىلەدى. مينيستر بۇل رەتتە مينيسترلىكتىڭ ادىستەمەلىك كومەك كورسەتەتىنە باسا نازار اۋداردى.
بۇگىنگى تاڭدا قىزمەتكەرلەر وبلىس بويىنشا 70 مىڭعا جۋىق ءۇيدى ارالادى. 68 مىڭنان استام ءورت قاۋىپسىزدىگى بۇزۋشىلىعى انىقتالدى, 23 مىڭنان استام وقيعا ورنىندا جويىلدى, قالعاندارى بويىنشا ۇسىنىستار بەرىلدى.
«وبلىس بويىنشا اكىمدىكپەن جانە ۇكىمەتتىك ەمەس ۇيىمدارمەن بىرلەسىپ قوسىمشا 35 مىڭعا جۋىق داتچيك ورناتىلدى. ولار قاۋىپ تۋرالى الدىن الا حاباردار ەتەدى جانە ازاماتتاردىڭ قازا بولۋىنا جول بەرمەيدى. جىل سوڭىنا دەيىن ءبىر جارىم مىڭ داتچيك ورناتۋ جوسپارلانۋدا», دەدى تج ءمينيسترى يۋري يلين.