قازاقستان رەسپۋبليكاسى پرەزيدەنتتىگىنە كانديدات قاراقات ابدەننىڭ سايلاۋالدى شتابىندا ەل وڭىرلەرىندەگى ۇگىت-ناسيحات جۇمىستارىنىڭ ناتيجەلەرى تالقىلاندى.
شتاب باسشىلىعى مالىمدەگەندەي, ۇگىت-ناسيحات جۇمىستارى بەلسەندى جۇرگىزىلىپ جاتىر. «جيىندا سايلاۋالدى جۇمىستارىنىڭ ناتيجەلەرى بويىنشا ەسەپ بەرىلدى. قاراقات ابدەن ەلىمىزدىڭ 8 وبلىسىندا 30-دان استام كەزدەسۋ وتكىزدى. سايلاۋشىلار تاراپىنان كوپتەگەن ساۋالدار مەن ۇسىنىس كەلىپ ءتۇستى. سۇراقتاردىڭ باسىم بولىگى الەۋمەتتىك پروبلەمالارعا قاتىستى. سونداي-اق دەنساۋلىق ساقتاۋ, ءبىلىم بەرۋ مەن بالا تاربيەسى جايلى وزەكتى ماسەلەلەر كوتەرىلدى. وڭىرلىك شتابتار ولاردىڭ بارلىعىن باقىلاۋعا الدى. جالپى, سايلاۋ – بۇل دەموكراتيالىق قوعامنىڭ كورىنىسى. سايلاۋالدى شتابتارعا ۇلكەن جاۋاپكەرشىلىك جۇكتەلگەن. سوندىقتان سايلاۋ مەن ۇگىت-ناسيحات جۇرگىزۋ بويىنشا ءبىز وزىق حالىقارالىق تاجىريبەنى سارالاي كەلە, جۇمىستىڭ اۋقىمىن كەڭەيتىپ جاتىرمىز. ءبىز ءۇشىن كانديداتتىڭ مىقتى ساياسي تۇستارىن كورسەتە ءبىلۋ ماڭىزدى. بۇل ءوز الدىنا ۇيلەسىمدى ۇجىمدىق جۇمىستى تالاپ ەتەدى. سوندىقتان سايلاۋالدى شتابتارىمىزدا ءوز ءىسىن جاقسى بىلەتىن ماماندار, پاتريوتتار مەن مۇددەسى ورتاق ازاماتتار ەڭبەك ەتىپ جاتىر. ءبىزدى بىرىكتىرەتىن ورتاق ماقسات – ەل يگىلىگى ءۇشىن جۇمىس ىستەۋ», دەدى كانديداتتىڭ ءباسپاسوز حاتشىسى ەلامان تولەپبەرگەن.
الداعى ۋاقىتتا قاراقات ابدەن تۇركىستان جانە جامبىل وبلىستارىنىڭ سايلاۋشىلارىمەن كەزدەسۋ وتكىزۋدى جوسپارلاپ وتىر.