قازاقستان رەسپۋبليكاسى پرەزيدەنتتىگىنە كانديدات جيگۋلي دايراباەۆتىڭ سەنىمدى وكىلى, «اۋىل» پارتياسى توراعاسىنىڭ ورىنباسارى قايرات ايتۋعانوۆ قوستاناي وبلىسىنا باردى.
ول جەرگىلىكتى حالىقتى كانديداتتىڭ سايلاۋالدى باعدارلاماسىمەن تانىستىردى.
ق.ايتۋعانوۆ قوستاناي اۋدانىنىڭ زارەچنىي كەنتىندە ورنالاسقان «تەررا» شارۋا قوجالىعىنىڭ قىزمەتكەرلەرىمەن كەزدەستى. كەزدەسۋ كەزىندە شارۋاشىلىق باسشىسى ۆلاديمير سەمەيكين شارۋاشىلىق تاۋارلىق جانە تۇقىمدىق كارتوپ, سونداي-اق قىرىققابات, ءسابىز, قىزىلشا, پياز سياقتى كوكونىستەر وندىرۋمەن اينالىساتىنىن ايتتى. شارۋاشىلىقتا كوكونىستەردى ءوندىرۋدىڭ تۇقىم وتىرعىزۋدان باستاپ, دايىن ءونىمدى ساتۋعا دەيىنگى بارلىق ۇدەرىس اۆتوماتتاندىرىلعان. بۇل جۇمىستاردىڭ بارلىعى ماماندار باقىلاۋىمەن جۇزەگە اسىرىلادى جانە جاڭا تەحنولوگيالاردىڭ بارلىق تالابىنا جاۋاپ بەرەدى.
بۇدان كەيىن قايرات ايتۋعانوۆ وبلىس فەرمەرلەرىمەن كەزدەسۋ وتكىزدى. ول اۋىل شارۋاشىلىعىن دامىتۋ ءۇشىن جاڭا مەملەكەتتىك اگرارلىق ساياساتتى ازىرلەۋ قاجەت ەكەنىنە توقتالدى. ونى اگروونەركاسىپتىك كەشەندى جانە ەلىمىزدىڭ اۋىلدىق اۋماقتارىن دامىتۋدىڭ 2070 جىلعا دەيىنگى ۇزاقمەرزىمدى ۇلتتىق ستراتەگياسىن ازىرلەۋ جانە قابىلداۋ ارقىلى جاساۋعا بولاتىنىنا نازار اۋداردى. ء«بىرىنشى كەزەكتە اۋىل شارۋاشىلىعى تاۋارىن وندىرۋشىلەردىڭ سەرۆيستىك-تۇتىنۋ كووپەراتسياسىن ىنتالاندىرۋ نەگىزىندە اۋىل شارۋاشىلىعىنىڭ وندىرىستىك ينفراقۇرىلىمىن قۇرۋ ماڭىزدى», دەدى ول.