جالپىۇلتتىق سوتسيال-دەموكراتيالىق پارتيا اتىنان كانديدات نۇرلان اۋەسباەۆ ۇگىت-ناسيحات جۇمىستارىن بەلسەندى جۇرگىزۋ ۇستىندە.
پارتيا توراعاسى اسحات راحيمجانوۆ جالپىۇلتتىق سوتسيال-دەموكراتيالىق پارتيا اتىنان كانديدات نۇرلان اۋەسباەۆتىڭ سايلاۋالدى ناۋقانىندا جۇرگىزىلىپ جاتقان جۇمىستار جايلى ايتىپ بەردى.
كۇنتىزبەلىك جوسپار بويىنشا ۇگىت-ناسيحات كەزەڭىندە 58-دەن استام ءىس-شارا وتكىزۋ كوزدەلگەن. بۇعان سايلاۋشىلارمەن, ەڭبەك ۇجىمدارىمەن, اۋىل تۇرعىندارىمەن, شاعىن جانە ورتا بيزنەس وكىلدەرىمەن, شىعارماشىلىق زيالى قاۋىممەن, ستۋدەنتتەرمەن جانە حالىقتىڭ باسقا دا توپتارىمەن كەزدەسۋلەر جاتادى.
«وسى اپتالار ىشىندە سايلاۋالدى شتاب بىرقاتار ءىس-شارا وتكىزدى, ءبىراز وڭىرگە ساپارمەن باردى. اتاپ ايتقاندا, نۇرلان اۋەسباەۆ قاراعاندى, اقتوبە, اقمولا, باتىس قازاقستان وبلىستارىندا, شىمكەنت جانە الماتى قالالارىندا كەزدەسۋلەر وتكىزدى. ودان بولەك, بىرقاتار اۋىلدىق ەلدى مەكەندەردىڭ تۇرعىندارىمەن جۇزدەستى», دەپ مالىمدەدى اسحات راحيمجانوۆ.
ايماقتىق سايلاۋالدى شتابتار ەلىمىز بويىنشا 30-دان استام ۇگىت-ناسيحات شارالارىن وتكىزدى. ماسەلەن, 5 قاراشادا جسدپ-دان كانديدات رەسپۋبليكالىق سايلاۋالدى شتاب ۇيىمداستىرعان تىعىز سالىنعان قۇرىلىسقا قارسى بەيبىت ميتينگىگە قاتىستى. ءىس-شارا استاناداعى ا.پۋشكين مەن ش.قۇدايبەردى ۇلى كوشەلەرىنىڭ قيىلىسىندا ورنالاسقان ساياباق اۋماعىندا ءوتتى. ميتينگىگە 50-گە جۋىق ادام – پارتيا بەلسەندىلەرى مەن قالا تۇرعىندارى قاتىستى. ميتينگ قورىتىندىسى بويىنشا رەزوليۋتسيا قابىلداندى. قۇجاتتا جسدپ تۇرعىن ءۇي كەشەندەرىمەن قاتار, بالاباقشا, مەكتەپ, اۋرۋحانا, ساياباق سالۋدى مىندەتتەيتىنى اتاپ وتىلگەن.
رەزوليۋتسيادا سونىمەن بىرگە ەكولوگيا, قاجەتتى ينفراقۇرىلىم قۇرىلىسى, سالىناتىن ۇيلەردىڭ ساپاسىن ارتتىرۋ ماسەلەلەرى دە كوتەرىلدى.
سايلاۋشىلارمەن كەزدەسۋ بارىسىندا كانديدات سونداي-اق مەملەكەتتە ساياسي رەفورمالاردى جۇرگىزۋ قاجەتتىلىگىن اتاپ ءوتتى. قازاقستاندىقتاردىڭ ءومىر ساپاسىنىڭ ستاندارتتارىندا بەكىتىلگەن مەملەكەتتىڭ الەۋمەتتىك كەپىلدەرىن قولداۋ ءارى دامىتۋ قاجەت. ۇكىمەت ادال, باسەكەلەس بيزنەستىڭ دامۋىنا مۇمكىندىك بەرمەي وتىرعان وليگارحتار توبىن ەمەس, حالىق مۇددەسىن قورعاۋعا ءتيىس.
نۇرلان اۋەسباەۆتىڭ سايلاۋالدى باعدارلاماسىندا جەمقورلىققا قارسى كۇرەستى كۇشەيتۋ قاجەتتىلىگىنە دە ەرەكشە كوڭىل بولىنگەن. پاراقورلارعا بارىنشا قاتاڭ جازا تاعايىنداپ, مەرزىمىنەن بۇرىن بوساتۋ قۇقىعىنان ايىرۋ قاجەت.
نۇرلان اۋەسباەۆتىڭ پىكىرىنشە, جەمقورلىقتى جەڭىپ, مەملەكەتتىڭ باسقارۋ جۇيەسىن وزگەرتكەن جاعدايدا عانا قازاقستان ەلىمىزدىڭ ەكونوميكالىق گۇلدەنۋىنە جاعداي جاساي الادى.
قازاقستان رەسپۋبليكاسىنىڭ پرەزيدەنتتىگىنە ۇمىتكەر ن.س.اۋەسباەۆتىڭ سايلاۋالدى شتابى ازىرلەدى. تاپسىرىس بەرۋشى: ن.س.اۋەسباەۆ. قازاقستان رەسپۋبليكاسىنىڭ پرەزيدەنتتىگىنە ۇمىتكەر ن.س.اۋەسباەۆتىڭ سايلاۋ قورىنىڭ قارجىسىنان تولەندى.