ءماجىلىس تاعى ءبىر دەپۋتاتپەن تولىقتى

قازاقستان رەسپۋبليكاسىنداعى سايلاۋ تۋرالى 1995 جىلعى 28 قىركۇيەكتەگى قازاقستان رەسپۋبليكاسى كونستيتۋتسيالىق زاڭىنىڭ 12, 45, 46-باپتارىنا, 97-1-بابىنىڭ 6-تارماعىنا, 98-بابىنا سايكەس جانە «اق جول» دەموكراتيالىق پارتياسى ۇلتتىق كەڭەسىنىڭ 5 قاراشاداعى № 1 قاۋلىسىنا سايكەس ورتالىق سايلاۋ كوميسسياسى قاۋلى ەتتى:

- قازاقستان رەسپۋبليكاسى پارلامەنتى ءماجىلىسى دەپۋتاتىنىڭ بوس مانداتى «اق جول» قدپ قوعامدىق بىرلەستىگىنىڭ مۇشەسى فۋات سايداحمەت ۇلى ساتىباەۆقا بەرىلسىن.

- فۋات ساتىباەۆ پارلامەنت ءماجىلىسىنىڭ دەپۋتاتى بولىپ تىركەلسىن.

- فۋات ساتىباەۆقا بەلگىلەنگەن ۇلگىدەگى ءتيىستى كۋالىك پەن ومىراۋعا تاعاتىن بەلگى تاپسىرىلسىن.

تاپسىرۋ بارىسىندا ورتالىق سايلاۋ كوميسسياسىنىڭ توراعاسى نۇرلان ءابدىروۆ فۋات ساتىباەۆتىڭ پاۆلودار وبلىسىندا حيرۋرگ-دارىگەر, دەنساۋلىق ساقتاۋدىڭ قۇرمەتتى قىزمەتكەرى رەتىندە تانىمال ەكەنىن اتاپ ءوتتى.

2021 جىلعى 10 قاڭتاردا «اقجول» پارتياسىنان VII سايلانعان پاۆلودار وبلىستىق ءماسليحاتىنىڭ دەپۋتاتى بولىپ سايلاندى.

VII شاقىرىلعان وبلىستىق ءماسليحاتتىڭ ەكونوميكا جانە بيۋدجەت ماسەلەلەرى جونىندەگى تۇراقتى كوميسسياسىنىڭ مۇشەسى.