گرۋزيا ەكىنشى رەت قازاقستاننان كۇنباعىس مايىن ساتىپ الدى, دەپ حابارلايدى Egemen.kz.
قازاقستاننان كۇنباعىس مايىن يمپورتتايتىن ەلدەردىڭ تىزىمىندە گرۋزيا پايدا بولدى. بۇعان دەيىن گرۋزيا بۇل ءونىمدى ۋكراينا مەن رەسەيدەن الاتىن. ال بيىل گرۋزيندەر قازاقستاننان قۇنى جارتى ميلليون دوللاردان اساتىن 300 توننادان استام كۇنباعىس مايىن الدى.
ء«بىز قازاقستاندىق ەكسپورتتىق ونىمدەردىڭ بارلىق پەرسپەكتيۆالىق باعىتتارىن تەرەڭ زەرتتەپ جاتىرمىز. قازاقستاندىق كومپانيالاردىڭ گرۋزيانى ءوز ونىمدەرىن كەيىننەن باتىس جانە شىعىس نارىقتارىنا ەكسپورتتاۋ ورنى رەتىندە قاراستىرۋى وتە ماڭىزدى. گرۋزيا قازاقستان ءۇشىن نارىقتان گورى لوگيستيكالىق مۇمكىندىككە كوبىرەك ۇقسايدى. وسىلايشا, قازاقستاندا ءداستۇرلى تۇردە ساتىپ الىناتىن تاۋارلار گرۋزيا نارىعىندا سۇرانىسقا يە, يمپورت وسۋدە. دەگەنمەن, گرۋزيالىق ماماندار بۇعان قوسا, قازاقستاندىق ونىمدەردىڭ ەۋروپامەن ەركىن ساۋدا تۋرالى كەلىسىمى بار گرۋزيا ارقىلى كەڭىرەك نارىقتارعا شىعۋى ءۇشىن لوگيستيكالىق بايلانىستى نىعايتۋدى جانە كەڭەيتۋدى ۇسىنىپ وتىر», دەدى قازاقستاننىڭ گرۋزياداعى قۇرمەتتى كونسۋلى گەورگي دجاحۋتاشۆيلي.