اتىراۋدى سۋمەن قامتاماسىز ەتەتىن تازارتۋ جۇيەسى اپاتتى جاعدايدا تۇر. بۇل ماسەلەگە پرەزيدەنت اتىراۋ وبلىسى جۇرتشىلىعىمەن كەزدەسۋىندە توقتالدى, دەپ حابارلايدى Egemen.kz.
«بۇدان بولەك, جول بويىنداعى ينفراقۇرىلىمدى دامىتۋعا باسا ءمان بەرگەن ءجون. ۇلتتىق مۇناي-حيميا كەشەنىنىڭ العاشقى كەزەڭى ىسكە قوسىلعاندا «اتىراۋ – دوسسور» جولىنداعى كولىك قوزعالىسى كۇرت كوبەيەدى. سوندىقتان قۇزىرلى ورگاندار بۇل جولدى ءىىى ساناتتان ءى ساناتقا اۋىستىرۋ ماسەلەسىن تەز ارادا شەشۋگە ءتيىس. اتىراۋ ايماعىنداعى اۋىلدار ءبىر ورتالىقتان بەرىلەتىن سۋ جۇيەسىنە قوسىلماعان. كوپتەگەن ەلدى مەكەننىڭ تۇرعىندارى تازا سۋدى كەيدە بەلگىلى ءبىر ۋاقىتتا عانا الادى», دەدى قاسىم-جومارت توقاەۆ.
مۇنداي احۋال ينفراقۇرىلىم جەلىسى ابدەن توزعاندىقتان تۋىنداپ وتىر.
«مىسالى, اتىراۋدى جانە ماقات اۋدانىن سۋمەن قامتاماسىز ەتەتىن تازارتۋ جۇيەسى اپاتتى جاعدايدا تۇر. الداعى بەس جىلدا تۇششى سۋ تاپشىلىعى 40 پايىزعا جەتۋى مۇمكىن. سوندىقتان, ۇكىمەت پەن وبلىس اكىمدىگى سۋمەن قامتاماسىز ەتۋ جۇيەسىن جاڭعىرتۋعا باسا نازار اۋدارۋى قاجەت», دەدى پرەزيدەنت.