مەملەكەت باسشىسى ماڭعىستاۋ ايماعىندا الداعى ءۇش جىلدا 21 مەكتەپ سالىناتىنىن ايتتى, دەپ حابارلايدى Egemen.kz اقوردانىڭ رەسمي پاراقشاسىنا سىلتەمە جاساپ.
«ورتا ءبىلىم بەرۋ سالاسىنداعى جاعداي دا ءماز ەمەس. وبلىستاعى 13 مىڭ وقۋشىعا مەكتەپتەن ورىن جەتپەي جاتىر. اپاتتى جاعدايدا تۇرعان, ءۇش اۋىسىممەن وقىتاتىن مەكتەپتەر بار. «جايلى مەكتەپ» ۇلتتىق جوباسى بويىنشا ماڭعىستاۋ ايماعىندا الداعى ءۇش جىلدىڭ ىشىندە 21 مەكتەپ سالىنادى. بىراق بۇل دا جەتكىلىكسىز», دەدى پرەزيدەنت ماڭعىستاۋ وبلىسىنداعى جيىندا.
سونداي-اق ول وبلىس اكىمدىگىنە ءۇش جىلدىڭ ىشىندە ءۇش اۋىسىممەن وقىتاتىن مەكتەپتەردىڭ ماسەلەسىن تولىق شەشۋدى تاپسىردى.
«بۇل جۇمىستا بيزنەستىڭ مۇمكىندىگىن كەڭىنەن پايدالانعان ءجون. قاجەتتى تاجىريبە بار. سوڭعى ەكى جىلدا ايماقتا 19 جەكەمەنشىك مەكتەپ اشىلعان. وبلىستا قالا مەن اۋىل, اقتاۋ مەن جاڭاوزەن مەكتەپتەرى اراسىندا ءبىلىم ساپاسى بويىنشا وراسان زور الشاقتىق بار. بۇعان جول بەرۋگە بولمايدى», دەپ تۇيىندەدى مەملەكەت باسشىسى.
پرەزيدەنت ءبىلىم دەڭگەيى ءار بالانىڭ تۇلعا بولىپ قالىپتاسۋىنا اسەر ەتەتىنىن ايتىپ, بارلىق وقۋشىعا بىردەي ساپالى ءبىلىم بەرىلۋى كەرەگىن ايتتى.