قر جوعارعى سوتى مەملەكەت باسشىسى قاسىم-جومارت توقاەۆتىڭ «قر سوت اكىمشىلىگىنىڭ كەيبىر ماسەلەلەرى تۋرالى» جارلىعىن دايىندادى, دەپ حابارلايدى Egemen.kz.
اتاپ ايتقاندا, سوت اكىمشىلىگىنىڭ جۇمىسى تۋرالى ەرەجە ازىرلەندى, ول قر جوعارعى سوتى جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنەن قايتا قۇرىلدى.
سوت اكىمشىلىگىنىڭ مىندەتتەرى:
سوت اكىمشىلىگى سالاسىنداعى مەملەكەتتىك ساياساتتى ازىرلەۋ جانە جەتىلدىرۋ; سوت تورەلىگىن تولىق جانە تاۋەلسىز ىسكە اسىرۋ ءۇشىن قاجەتتى جانە جەتكىلىكتى جاعدايلار جاساۋ; سوت جۇيەسى مەن سوتتاردىڭ قىزمەتىن جەتىلدىرۋگە باعىتتالعان جۇيەلى رەفورمالاردى ازىرلەۋ.سوت اكىمشىلىگى قر جوعارعى سوتىنىڭ, جەرگىلىكتى جانە باسقا دا سوتتاردىڭ قىزمەتىن ۇيىمدىق-قۇقىقتىق, اقپاراتتىق-تالدامالىق جانە ماتەريالدىق-تەحنيكالىق قامتاماسىز ەتۋدى جۇزەگە اسىراتىن سوت اكىمشىلىگى سالاسىنداعى ۋاكىلەتتى مەملەكەتتىك ورگان بولىپ ەسەپتەلەدى.
«مۇنداي ءتاسىل ارقىلى سۋديالار كورپۋسى سوت تورەلىگىن جۇزەگە اسىرۋ ماسەلەلەرىنە تولىعىمەن شوعىرلاناتىن بولادى», دەلىنگەن تۇسىندىرمەدە.
سوت اكىمشىلىگىنىڭ قۇرىلىمىندا قر جوعارعى سوتىنىڭ اپپاراتى قۇرىلادى.
ايتا كەتسەك, سوت اكىمشىلىگىنىڭ قىزمەتكەرلەرى جالاقى دەڭگەيى, ماتەريالدىق, قارجىلىق جانە الەۋمەتتىك-تۇرمىستىق قامتاماسىز ەتۋدىڭ وزگە دە شارتتارى بويىنشا قر پرەمەر-ءمينيسترى كەڭسەسىنىڭ جانە قر پارلامەنتى پالاتالارى اپپاراتتارىنىڭ قىزمەتكەرلەرىنە تەڭەستىرىلەدى.
قۇجات 18 قاڭتارعا دەيىن اشىق تالقىلاۋ ءۇشىن اشىق نقا سايتىندا ورنالاستىرىلعان.