مادەنيەت جانە سپورت مينيسترلىگى قازاقستاننىڭ تۋريستىك دەستيناتسيالارى مەن گراند-تۋرلارىنداعى ينفراقۇرىلىمنىڭ جاي-كۇيىنە زەرتتەۋ جۇرگىزدى, دەپ حابارلايدى Egemen.kz.
زەرتتەۋ ناتيجەسىندە كەمشىلىكتەر انىقتالىپ, ۇسىنىستار اكىمدىكتەر مەن بەيىندى مەملەكەتتىك ورگاندارعا جىبەرىلگەن.
اتاپ ايتقاندا, 493 دارەتحانا مەن قوقىس كونتەينەرلەرىن ورناتۋ, ينتەرنەت پەن ۇيالى بايلانىس ساپاسىن ارتتىرۋ, تۋريستىك بازالارعا دەيىن ىشكى جولداردى سالۋ كەرەكتىگى انىقتالعان. سونداي-اق ۆوكزال, جانارماي قۇيۋ ستانتسيالارى, تاماقتانۋ پۋنكتتەرى مەن باسقا دا نىساندار تەكسەرىلدى.
«جەرگىلىكتى اتقارۋشى ورگاندار «جۇمساق» ينفراقۇرىلىمدى جاقسارتۋ, كوممۋنيكاتسيالار جۇرگىزۋ جانە دارەتحانالار سالۋ بويىنشا جۇمىستى جانداندىرۋى ءتيىس», دەپ جازدى مينيسترلىكتىڭ ءباسپاسوز قىزمەتى.
ايتا كەتەيىك, سانيتارلىق-گيگيەنالىق توراپتاردى تازا ۇستاۋ ءۇشىن مەملەكەت اي سايىن 83 مىڭ تەڭگە كولەمىندە سۋبسيديا بەرۋگە دايىن. اكىمدىكتەر جىبەرگەن اقپاراتقا سايكەس, جەرگىلىكتى كاسىپكەرلەر تاراپىنان بۇل مەحانيزم بويىنشا 11 ءوتىنىم ماقۇلدانعان. ونىڭ ۇشەۋى اقمولا وبلىسىنان, ەكەۋى شقو جانە اباي وبلىستارىنان, تورتەۋى جامبىل جانە قاراعاندى وبلىستارىنان, تاعى ەكەۋى قوستاناي وبلىسىنان.