ەلىمىزدە كىتاپحاناعا بارۋ كورسەتكىشى رەكوردتىق دەڭگەيگە جەتتى

«بەلگىلى ءبىر دارەجەدە تسيفرلىق اقپارات قۇرالدارىنىڭ كەڭەيۋى جانە ەلەكتروندى كىتاپتاردىڭ ءوسۋى, ياعني ينتەرنەت «بىلىمگە مونوپوليانى ۇرلادى». دەگەنمەن, قازاقستان حالقىنىڭ كىتاپحاناعا دەگەن قىزىعۋشىلىعى ءالى دە جوعارى», دەلىنگەن باسىلىمدا.

دەرەكتەر بويىنشا, سوڭعى 26 جىلدا كىتاپحانا سانى 7352-دەن 3920-عا دەيىن ەكى ەسە قىسقارعان. سوعان قاراماستان, ادامدار 1995 جىلعى كورسەتكىشپەن بىردەي, ءتىپتى 3,54% ءجيى كەلەدى ەكەن.

ەل بويىنشا تسيفرلاندىرۋ دەڭگەيىنىڭ وسكەنىنە قاراماستان, مادەنيەت مينيسترلىگىنە ءالى دە كوپ جۇمىس ىستەۋ كەرەك دەيدى ساراپشىلار. ۇلتتىق ستاتيستيكا بيۋروسىنىڭ مالىمەتىنشە, 2021 جىلى قازاقستان كىتاپحانالارىنىڭ 56,7%-ى عانا ينتەرنەت جەلىسىنە قوسىلعان. ەڭ تومەنگى كورسەتكىشتەر باتىس قازاقستان (28,5%), اتىراۋ (30,6%) جانە الماتى (32%) وبلىستارىندا تىركەلگەن. ۇزدىك كورسەتكىش الماتىدا. ونىڭ كىتاپحانالارى ينتەرنەتكە 100% قوسىلعان جالعىز ءوڭىر.