بۇگىن قاراعاندى وبلىسىنداعى شاحتادا گاز جارىلىپ, قازا تاپقاندار سانى بەس ادامعا جەتتى. «ارسەلورميتتال تەمىرتاۋ» اق كومىر دەپارتامەنتىنىڭ ديرەكتورى ارمان قالىقوۆ قازا بولعاندار مەن زارداپ شەككەندەردىڭ وتباسىلارىنا كومەك كورسەتىلەتىنىن ايتتى, دەپ حابارلايدى Egemen.kz.
«قازا بولعانداردىڭ وتباسىلارىنان, كەنشىلەرىمىزدىڭ ارىپتەستەرىنەن كەشىرىم سۇرايمىز. قازا بولعاندار مەن زارداپ شەككەندەردىڭ بارلىق وتباسىلارىنا كومەك كورسەتىلەدى», دەدى «ارسەلور ميتتال تەمىرتاۋ» كومىر دەپارتامەنتىنىڭ ديرەكتورى ارمان قالىقوۆ.
قايعىلى وقيعا 3 قاراشادا ساعات 03:00 شاماسىندا شاحتينسك قالاسىنداعى لەنين اتىنداعى شاحتادا بولدى. گاز درەناجدىق ۇڭعىمالاردى بۇرعىلاۋ كەزىندە گاز كەنەتتەن جارىلعان. اپات سالدارىنان بەس جۇمىسشى قازا تاۋىپ, تورتەۋى اۋرۋحاناعا جەتكىزىلدى.
توتەنشە جاعدايلار ءمينيسترى يۋري يلين وقيعا ورنىنا بارىپ, اپاتتى تەكسەرەتىن ارنايى كوميسسيانى باسقارادى. تەرگەۋ قورىتىندىسى بويىنشا وقيعانىڭ سەبەپتەرى مەن ءمان-جايى انىقتالۋدا. الدىن الا مالىمەت بويىنشا, 106 جۇمىسشى ەۆاكۋاتسيالانعان.