استانا. 27 مامىر. وتاندىق بيزنەس وكىلدەرىنىڭ باسەكەلەستىككە قابىلەتتىلىگىن ارتتىرۋ ءۇشىن رەسەي مەن بەلارۋس ەلدەرىنىڭ كاسىپكەرلەرىن ءبىزدىڭ مەملەكەتتىك ساتىپ الۋعا قاتىسۋىن 2-3 جىلعا شەگەرۋ كەرەك. «نۇر وتان» پارتياسى جانىنداعى رەسپۋبليكالىق جەمقورلىققا قارسى ءىس-ارەكەت جونىندەگى قوعامدىق كەڭەس وتىرىسىنىڭ بارىسىندا سەنات دەپۋتاتى قۋانىش ايتاحانوۆ وسىنى ايتتى.
Bnews.kz ءتىلشىسىنىڭ حابارلاۋىنشا, دەپۋتات ءوز سوزىندە ەۋرازيالىق ەكونوميكالىق وداقتىڭ قازاقستاندىق كاسىپكەرلەردى قامشىلاۋدا اتقاراتىن ءرولى جوعارى بولاتىنىن اتاپ وتكەن.
«قازاقستاننىڭ مەملەكەتتىك ساتىپ الۋلارىنا رەسەي مەن بەلارۋس ەلدەرىنىڭ كاسىپكەرلەرىن قاتىستىرۋدى قايتا قاراۋ كەرەك دەگەن ماسەلە تۋىنداپ وتىر. ءبىراز ۋاقىتقا دەيىن ولاردى قاتىستىرماۋ كەرەك شىعار. تۇبىندە كەڭىستىك اشىلعاننان كەيىن, ءبارى ارالاسادى. ءبىزدىڭ كاسىپكەرلەردىڭ دامۋى ءۇشىن ءبىراز ۋاقىت بەرۋ كەرەك. كەلىسىمشارتتا 2-3 جىلعا دەيىن رەسەي مەن بەلارۋس ەلدەرىنىڭ كاسىپكەرلەرىن ءبىزدىڭ مەملەكەتتىك ساتىپ الۋعا قاتىستىرۋىن شەگەرۋ كەرەك سەكىلدى», - دەدى ق.ايتاحانوۆ.
«وتاندىق كاسىپكەرلەردىڭ باسەكەلەستىككە قابىلەتتى بولۋى ءۇشىن بالىق جاعداي جاساۋىمىز كەرەك. ەۋرازيالىق ەكونوميكالىق وداقتىڭ ماساتى وسى – كاسىپكەرلەردى قامشىلاۋ. سول سەبەپتى مەملەكەت تاراپىنان كاسىپكەرلەرگە قولداۋدى كۇشەيتۋ قاجەت. باسقا ەلدەرگە قاراعاندا ءبىزدىڭ كاسىپكەرلەرگە ارزان ءارى قولجەتىمدى, ۇزاقمەرزىمدى نەسيە, سۋبسيديا بەرۋ كەرەك. قاجەت بولسا, ولاردىڭ ينفراقۇرىلىم ماسەلەسىن شەشىپ بەرۋ قاجەت», - دەدى سەنات دەپۋتاتى.
مۇرات ايتقوجا.
دەرەككوز: Bnews.kz.
فوتو: politikus.ru.