رەسپۋبليكا وقۋشىلارى اراسىندا وليمپيادالىق رۋحتى قالىپتاستىرۋ مەن ماتەماتيكانى ناسيحاتتاۋعا ارنالعان Almaty Maths Battles ءتۋرنيرى ءوز مارەسىنە جەتتى.
الماتى مەكتەپتەرىنىڭ وقۋشىلارى باستاماشى بولعان Almaty Maths Battles وليمپيادالىق ءتۋرنيرىنىڭ العاشقى كەزەڭى بيىلعى جىلدىڭ مامىر ايىندا رەسپۋبليكالىق فيزيكا ماتەماتيكا مەكتەبىندە وتكەن بولاتىن. تۋرنيرگە استانا, تۇركىستان, الماتى جانە باسقا قالالاردان جۇزدەن استام وقۋشى قاتىسىپ, 24-ءى جۇلدەگەر اتاندى. ولاردىڭ قاتارىندا رفمم جەڭىمپاز دەپ تانىلسا, ءىى جانە ءىىى ورىندى ەلوردالىق بيل جانە NURORDA مەكتەپتەرىنىڭ كوماندالارى يەلەندى.
كوكتەمگى تۋرنير كۇزگى كەزەڭگە تىڭ سەرپىن بەرىپ, وسى التى اي ىشىندە ء تۋرنيردىڭ تانىمالدىلىعى ارتتى دەۋگە نەگىز بار. Almaty Maths battles قازىلار القاسىنىڭ توراعاسى, IMO (International Mathematical Olympiad) كۇمىس جۇلدەگەرى ميرون يۋركەۆيچ قازاقستاندىق وقۋشىلاردىڭ جوعارى وليمپيادالىق كورسەتكەشتەرگە جەتەتىنىنە سەنىم ءبىلدىرىپ, رەسپۋبليكا وقۋشىلارى ءۇشىن جاڭا مۇمكىندىكتەر اشاتىن ءتۋرنيردىڭ فورماتى كەڭەيىپ كەلەدى, دەپ اتاپ ءوتتى.
ەكىنشى تۋرنيرگە قاتىسۋعا تالاپتانعان وقۋشىلار دا كوپ بولدى, ينۆەستورلار تاراپىنان دا قىزىعۋشىلىق ارتىپ, ءتۋرنيردىڭ جۇلدە قورى 1,7 ملن تەڭگەدەن استى. كوكتەمگى تۋرنيردەن ايىرماشىلىعى, قاتىسۋشىلار جوعارى (9-10 سىنىپتار) جانە تومەنگى (7-8 سىنىپتار) كوماندا بولىپ ەكى ليگاعا ءبولىندى. وسىلايشا, كۇزگى تۋرنيرگە قازاقستاننىڭ تۇكپىر-تۇكپىرىنەن 100-دەن استام دارىندى بالالار قاتىسىپ, اقشالاي سىيلىققا, كۋبوك, مەدال, وقۋ ماتەريالدارى مەن قۇرمەت گراموتالارىنا يە بولدى. ەكى ليگا بويىنشا بارلىعى 16 كوماندا ماراپاتتالدى. استانا قالاسىنىڭ دارىندى جاستارىنا ارنالعان ء«بىلىم-يننوۆاتسيا» ليتسەي-ينتەرناتىنىڭ وقۋشىلارى, جوعارى جانە ليگادا دا ءتۋرنيردىڭ جەڭىمپازى اتاندى. ەكىنشى ورىندى بيل اتىراۋ كومانداسى جانە الماتى رفمم جانە فيزيكا-ماتەماتيكا باعىتىنداعى نزم قۇراماسى يەلەندى. ال قالعان اقشالاي سىيلىقتاردى الماتى رفمم كوماندالارى ءوزارا ءبولىستى.
جوبانىڭ نەگىزگى باستاماشىلارى الماتى رفمم, HaileyBury Almaty جانە Miras International School وقۋشىلارى - يساتاي جاقسىكەلدينوۆ (Miras International School), گلەب پاتىرين (Haileybury Almaty) جانە نازار بەركىمباي (رفمم). ءتۋرنيردىڭ قازىلار القاسىنىڭ قۇرامىندا ماتەماتيكادان حالىقارالىق جانە رەسپۋبليكالىق وليمپيادالاردىڭ جەڭىمپازدارى مەن جۇلدەگەرلەرى بار. ءتۋرنيردىڭ بارىنشا ءادىل ءارى ناتيجەلى بولۋى باستى نازاردا. ۇيىمداستىرۋشىلار اتاپ وتكەندەي, العاشىندا ءتۋرنيردى باستاۋ دا وڭايعا سوققان جوق. تۋرنير كۇنى بۇگىنگە دەيىن جۇمىس ىستەپ كەلە جاتقان ماتەماتيكا اۋەسقويلارىنىڭ رفمم كلۋبىندا MathClub قۇرۋدان باستالدى. ءدال وسى كلۋب اياسىندا 7-9-سىنىپ وقۋشىلارى اراسىندا ماتەماتيكالىق جەكپە-جەك ءوتتى. مۇنداي فورماتتاعى جارىس وقۋشىلاردى جىگەرلەندىرىپ, ناتيجەسىندە Almaty Maths Battles ءتۋرنيرىن وتكىزۋگە شەشىم قابىلداندى. شەتەلدىك ماتەماتيكا مۇعالىمدەرىنىڭ دە قىزىعۋشىلىعىن ارتتىرىپ وتىرعان Almaty Maths Battles ءتۋرنيرى بۇگىندە HaileyBury Almaty, ش.ۋاليحانوۆ اتىنداعى مەكتەپتەرىمەن جانە American Space كوممەرتسيالىق ەمەس ۇيىمىمەن ىنتىماقتاستىققا قول جەتكىزگەن.
الماتى