استانا قالاسىندا 3 قاراشا كۇنى جاستارعا ارنالعان بوس جۇمىس ورىندارىنىڭ كەزەكتى جارمەڭكەسى وتەدى, دەپ حابارلايدى Egemen.kz.
بيىل 3 قاراشا كۇنى ساعات 15:00-دە ەۋرازيا ۇلتتىق ۋنيۆەرسيتەتىندە استانا قالاسى اكىمدىگىنىڭ «استانا جاستارى» جرو» كمم ەلوردالىق جوو تۇلەكتەرى مەن جۇمىسسىز جاستار ءۇشىن بوس جۇمىس ورىندار جارمەڭكەسىن وتكىزەدى.
جىل باسىنان بەرى استانا قالاسى اكىمدىگىنىڭ «استانا جاستارى» جرو» كمم بوس جۇمىس ورىندار جارمەڭكەسىن ءۇش مارتە وتكىزدى. وعان ەلوردانىڭ 126-دان استام جۇمىس بەرۋشىسى, 1200-دەن استام جاستار مەن ستۋدەنتتەر قاتىستى جانە 800-دەن استام بوس جۇمىس ورنى ۇسىنىلدى, ونىڭ بارىسىندا 150-گە جۋىق ادام جۇمىسقا ورنالاستىرىلدى.
بوس ورىندار جارمەڭكەسىنە قالانىڭ 30-دان استام جۇمىس بەرۋشىسى قاتىسادى. بۇل ەلوردا جاستارى ءۇشىن وزدەرى قالاعان سالاداعى بوس ورىنداردى زەردەلەۋگە جانە بىرنەشە جۇمىس بەرۋشىمەن تىكەلەي سويلەسۋگە تاماشا مۇمكىندىك.