الماتىدا 10-14 قازان ارالىعىندا ازاماتتاردى «الماتى جاستارى» باعدارلاماسىنا قاتىسۋ ءۇشىن قوسىمشا ىرىكتەۋ جۇرگىزىلدى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
ايتا كەتەيىك, قوسىمشا ىرىكتەۋگە باعدارلاماعا نەگىزگى كونكۋرستىق ىرىكتەۋ كەزەڭىندە ءوتىنىم بەرگەن, الايدا, قۇجاتتارى دۇرىس تولتىرىلماعان ادامدار عانا قاتىستى. وتىنىشتەر مەن قۇجاتتاردى قابىلداۋ قورىتىندىسى بويىنشا 2135 قاتىسۋشى ءوز وتىنىمدەرىن رەداكتسيالاپ, قۇجاتتارىن قايتا جاڭارتتى.
«بارلىق وتىنىشتەر مەن قۇجاتتاردىڭ باعدارلاما تالاپتارىنا سايكەستىگى تەكسەرىلدى. ىرىكتەلگەن قاتىسۋشىلار, رەزەرۆكە ەنگەن جانە قابىلدانباعان قاتىسۋشىلاردىڭ ءتىزىمى www.almaty-zhastary.kz سايتىندا ورنالاستىرىلدى. ىرىكتەلگەن 183 ۇمىتكەرگە سايتتاعى جەكە كابينەتكە «وتباسى بانك» اق تولەم قابىلەتتىلىگىن راستاۋ ءۇشىن جولداما بەرىلدى», دەلىنگەن حابارلامادا.
اكىمدىك مالىمەتىنشە, «الماتى جاستارى» باعدارلاماسى بويىنشا كەمىندە 1000 نەسيە بەرۋ جوسپارلانعان. بۇگىندە باعدارلاما اياسىندا 829 ادام باسپانالى بولدى.