فيليپپيندەگى «نالدجي» تروپيكالىق داۋىلى 2,41 ميلليوننان استام ادامعا اسەر ەتتى. تاۋەكەلدەردىڭ الدىن الۋ جانە تابيعي اپاتتاردى جويۋ جونىندەگى ۇلتتىق كەڭەستىڭ ەسەبىنە سايكەس, اپات سالدارىنان 110 ادام قايتىس بولدى, دەپ حابارلايدى Egemen.kz تاسس-قا سىلتەمە جاساپ.
اگەنتتىك مالىمەتىنشە, قونىس اۋدارعان 865,9 مىڭ ادام 2,72 مىڭ ەۆاكۋاتسيالىق ورتالىقتا ورنالاسقان. تاعى 347,4 مىڭنان استام ادام ۇيلەرىن الدىن الا تاستاپ كەتكەن. كەم دەگەندە 101 ادام ءتۇرلى جاراقات الىپ, 33-ءى حابار-وشارسىز كەتتى.
داۋىل 5,03 مىڭ ۇيگە زاقىم كەلتىرىپ, 55 ينفراقۇرىلىمدىق نىسانعا شىعىن كەلتىرگەن. اپات سالدارىنان 422 جول مەن 101 كوپىر زاقىمدالدى. 294 قالادا ەلەكترمەن جابدىقتاۋدىڭ ۇزىلىستەرى تىركەلدى.
670 وقۋ ورنىندا ساباق بەرۋ توقتاتىلدى. 230 كاسىپورىن جۇمىس ىستەپ تۇرعان جوق. اۋىل شارۋاشىلىعىنا كەلتىرىلگەن شىعىن 1,3 ميلليارد پەسوعا ($22,37 ميلليون) باعالانادى. ۇكىمەت كومەك كورسەتۋگە 50,3 ملن پەسو (8 865,8 مىڭ) ءبولدى.