جاستار دوستىق ءۇشىن بوكستاستى

تۋرنيرگە ءوز ەلىمىزدەن اتىراۋ, اقتوبە, ماڭعىستاۋ, باتىس قازاقستان وبلىستارى, سونداي-اق ورال, اقساي جانە استانا قالالارىنىڭ بىلعارى قولعاپ شەبەرلەرى  قاتىستى.

بيىل 24-مارتە وتكىزىلىپ وتىرعان بۇل تۋرنيرگە 18 جاسقا تولماعان جاستار عانا قاتىسادى. جاسوسپىرىمدەر اراسىندا وليمپيادالىق سپورت ءتۇرىن ناسيحاتتاپ, جاس بوكسشىلارعا جاڭا سپورتتىق داعدى قالىپتاستىرۋ,  تاجىريبە الماسۋ ءۇشىن بۇل ءتۋرنيردىڭ ماڭىزى وتە زور. تۋرنيرگە «بايتەرەك» سۋپەرماركەتتەر جەلىسىنىڭ ديرەكتورى ايبەك وماروۆ باس دەمەۋشى بولعان.

سونىمەن, 4 كۇنگە سوزىلعان ءداستۇرلى تۋرنيردە 44 كەلى سالماقتا – باۋبەك جاقسىلىق (اتىراۋ وبلىسى), 46 كەلىدە – ماقسات راشيد (اتىراۋ وبلىسى), 48 كەلىدە – باقداۋلەت تۇرىكمەنباي (ماڭعىستاۋ وبلىسى), 50 كەلىدە – داۋرەن تاسقاليەۆ (اقساي), 52 كەلىدە - شاحبوس ەرگاشەۆ (وزبەكستان), 54 كەلىدە - بەكارىس سەرىكباي (اقساي), 57 كەلىدە - ەرحان امانگەلديەۆ (اقتوبە), 60 كەلىدە - حيكماتۋللو ۋلماسوۆ (وزبەكستان), 63 كەلىدە - اندرەي نوۆيك (بەلارۋس), 66 كەلىدە - اكبار احمەدوۆ (وزبەكستان), 70 كەلىدە - كيريلل كورجەنەۆيچ (بەلارۋس), 75 كەلىدە - اكامان تۇياقباي (اتىراۋ وبلىسى), 80 كەلىدە - نۇرجان عيباداتوۆ (اقساي), 80 كەلىدەن جوعارى سالماقتا – دياس دەمەنوۆ (ورال) چەمپيون اتاندى.

بۇعان قوسا اتىراۋلىق ءاليحان ساعىندىق – «جەڭىسكە دەگەن جىگەرى ءۇشىن», وزبەكستاندىق شاحبوس ەرگاشەۆ – «ۇزدىك بوكسشى», قىرعىزستاندىق امانتۋر دجۋماەۆ – «ۇزدىك جەكپە-جەك تەحنيكاسى مەن تاكتيكاسى ءۇشىن» دەپ اتالاتىن جەكە نوميناتسيالار بويىنشا ماراپاتتالدى. ءتۋرنيردىڭ ۇزدىك جاتتىقتىرۋشىسى بولىپ – وزبەكستاننان كەلگەن باپكەر مۋزاففار ۋسمانوۆ تانىلدى. ۇزدىك تورەلىك ءۇشىن اتالىمىنا قىرعىزستاننان كەلگەن ميرلان جەەنباەۆ يە بولدى.

بارلىق جەڭىمپازدار مەن جۇلدەگەرلەر مەدالدارمەن, ديپلومدارمەن, كۋبوكتارمەن جانە ەستەلىك سىيلىقتارمەن ماراپاتتالدى.