بۇگىن پرەزيدەنت ءىس باسقارۋشىسىنىڭ بۇيرىعىمەن الەكسەي تسوي پرەزيدەنت ءىس باسقارماسىنىڭ مەديتسينالىق ورتالىعىنىڭ باسشىسى بولىپ تاعايىندالدى, دەپ حابارلايدى Egemen.kz قازاقستان رەسپۋبليكاسى ءپىب سايتىنا سىلتەمە جاساپ.
ا. تسوي وڭتۇستىك قازاقستان مەملەكەتتىك اكادەمياسىن بىتىرگەن. مەديتسينا عىلىمدارىنىڭ دوكتورى, مەديتسيناداعى ىسكەرلىك اكىمشىلەندىرۋ دوكتورى.
ول بۇعان دەيىن دارىگەر-ەندوسكوپيست, «ەۋروازيالىق رەسپيراتورلىق قوعام» قوعامدىق بىرلەستىگىنىڭ باس حاتشىسى, «پرەزيدەنت ءىس باسقارماسىنىڭ مەديتسينالىق ورتالىعى» مم باستىعى, استانا قالاسى اكىمدىگىنىڭ «№1 قالالىق اۋرۋحانا» شجق مكك باس دارىگەرى, دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى, دەنساۋلىق ساقتاۋ ءمينيسترى قىزمەتىن اتقاردى.