وقيعا 30 قازاننان 31 قازانعا قاراعان ءتۇنى جەتىسۋ وبلىسىنداعى كالپە اۋىلىنىڭ ماڭىندا بولدى, دەپ حابارلايدى Egemen.kz.
«31 جاستاعى ەر ادام تەلمان-كالپە تاس جولىنىڭ 8-شاقىرىمىندا جاپوندىق «Mazda Cronos» ماركالى كولىكتى باسقارىپ كەلە جاتىپ, ونىڭ اۋدارىلىپ كەتۋىنە جول بەرگەن. كولىك جۇرگىزۋشىسى وقيعا ورنىندا كوز جۇمدى. سونداي-اق جول اپاتىنان ونىڭ ەكى جولاۋشىسى زارداپ شەكتى, ولار ءتۇرلى جاراقاتتارمەن ۇشتوبە قالاسىنداعى اۋرۋحاناعا جاتقىزىلدى. وقيعا فاكتىسى بويىنشا قاجەتتى ساراپتامالار تاعايىندالدى», دەدى پوليتسيا دەپارتامەنتى.
تەرگەۋ قازاقستان رەسپۋبليكاسى قىلمىستىق كودەكسىنىڭ 345-بابى 3-بولىگى «ابايسىزدا ادام ولىمىنە اكەپ سوققان جول قوزعالىسى ەرەجەلەرىن بۇزۋ» بويىنشا جۇرگىزىلۋدە.